Методические рекомендации по преподаванию учебного предмета «основы предпринимательства и бизнеса»
жүктеу/скачать 2,82 Mb. Pdf көрінісі
|
|
2.3 Кәсіпкерлікке оқытудың кейбір қолданыстағы шетелдік бағдарламалары мен тәсілдемелер 1. TAMS әдісі. Солтүстік елдердің министрлер кеңесі қаржыландыратын «Кәсіпкерлікке оқытудың инновациялық әдістері» жобасының шеңберінде 2015 жылы ТАМЅ (Teams development as a measure for sustainability) әдісі әзірленді. Ол ынтымақтастық арқылы оқытуды, әртүрлі көзқарастарды қабылдауға төзімділікті, командада жұмыс істеуді және бірлескен жұмыс процесінде қақтығыстарды шешуді қамтиды. Бұл әдісті оқу процесінде қолдану өз пікірін білдіру және қорғау қабілетін қалыптастыруға, мәселенің мүмкін шешімдерін сыни бағалауға мүмкіндік береді. ТАМЅ әдісі шағын топтарда жұмыс істеу үшін қолданылады. Оны жүзеге асыру аясында нәтижеге ерекше назар аударылады, оған тек топтың әр мүшесінің өзіндік жұмысының үйлесімінде және мұғалім ұсынған тақырып, мәселе бойынша жұмыс жасау кезінде сол топтың басқа мүшелерімен үнемі өзара әрекеттесу арқылы қол жеткізуге болады. Міндет – команданың әр мүшесі алған білімдерін тиімді қолдана алуы, қажетті дағдыларды қалыптастыруы және сонымен бірге бүкіл команда әркімнің не істегенін білуі керек. Құрылымы мен мазмұны бойынша ТАМЅ әдісі – кешенді әдіс болып табылады, оны пайдалану кезінде келесі технологиялар қолданылады: - іскерлік және рөлдік ойындар; - саѕе – технология элементтері және жобалау әдістері; - проблемалық оқыту әдістері; - миға шабуыл. ТАМЅ әдісі дағдыларды жетілдіруге және келесі салаларда тәжірибе жинауға арналған: - проблемаларды анықтау, іріктеу және шешу; - ақпаратпен жұмыс; - жағдайда сипатталған бөлшектердің мағынасын түсіну; - ақпарат пен дәлелдерді талдау және синтездеу; - болжамдармен және қорытындылармен жұмыс; - баламаларды бағалау; 37 - шешімдер қабылдау; - басқа адамдарды тыңдау және түсіну; - топтық жұмыс дағдылары Бұл әдіс кәсіби дағдыларды дамытуға арналған, сондықтан оны кәсіби пәндердің негізгі блогын зерттегеннен кейін қолдану керек, өйткені оны жүзеге асыру кезінде кәсіби қызмет мазмұнының пәндік және әлеуметтік аспектілері модельденеді. Әдістің негізгі мақсаты – мамандарды бірлескен кәсіби қызмет жағдайында тұлғааралық қарым-қатынас пен өзара әрекеттесуге үйрету, сонымен бірге ол болашақ маманның пәндік-технологиялық құзыреттілігін дамытуға бағытталған. Оқытудың бұл әдісінің мәні келесідей: бастапқы кезеңде мұғалім оқушылардың оқу тобын 5-7 адамнан тұратын шағын топтарға бөледі, содан кейін осы кіші топтың әр мүшесі 3-5 минут ішінде өзінің жеке қасиеттерін, хоббиін, жұмыс тәжірибесін сипаттай отырып өзін таныстырады. Кіріспе әңгімеден кейін мұғалім әр топқа нақты тапсырмасы бар конверт береді. Оқушыларды виртуалды компанияның мәселелерін, бизнес-ортаның ерекшеліктерін талқылауға және осы компанияда өзіне лайықты лауазымдарды таңдауға шақырады. Әр оқушы өздері ұсынған дәлелдерді талқылау негізінде өздері үшін ең қолайлы екі позицияны таңдауы керек. Содан кейін оқушылар дауыс беру кезінде бас директор лауазымына ең жақсы үміткерді таңдап, қалған лауазымдарға орындаушыларды тағайындайды.Топтар мұғалім тапсырмада тұжырымдайтын кез-келген практикалық бағытталған мәселені шешу үшін құрылады. Бұл әдісті іске асыру проблемалардың жоғары деңгейінің тапсырмаларын әзірлеуді және шағын топтарға олардың қызметінде толық тәуелсіздік беруді талап етеді. Мақсаты: шығармашылық көзқарасты талап ететін шағын зерттеу жүргізу, эмпирикалық материал жинау, ақпаратты статистикалық өңдеу, нәтижелерді дәлелдеу, есеп түрінде рәсімдеу және негізгі ережелер мен жұмыс нәтижелерін «қорғау процедурасынан» өту және басқа топтарға кіретін мұғалімдер мен оқушылардан тұратын арнайы сараптамалық кеңестің алдында зерттеу нәтижелерін талдау. Осылайша, мұғалім оқушыларға нақты проблемалық жағдайды тұжырымдайды және олар оның шешімін өздері іздейді. TAMS – әдіс креативті қабілеттерді дамытуға, жаңа идеяларды іздеуге және қалыптастыруға, сондай-ақ оларды талдау мен синтездеуге бағытталған. Бұл идеяларды қалыптастыру сатысында кез-келген сынға тыйым салуға негізделген миға шабуыл жүргізу технологиясын қолдануды қамтиды, мұнда негізгі назар олардың сапасына емес, идеялардың санына аударылады. Қатысушылар ұсынған идеялардың пайда болуымен байланысты бірінші кезеңнен кейін оларды әрі қарай зерттеу үшін топтастыру, бағалау, тұжырымдау немесе мәселенің болжамды шешімдері ретінде таңдау керек. TAMS – бұл әдіс оқушыларды оқытудың интерактивті әдісі ретінде заңды түрде қарастырылады, өйткені ол: қатысушылардың белсенді топтық өзара әрекеттесу тәсілі; жоғары даму әсері бар (кәсіби, коммуникативті, мінез-құлық 38 және тұлғаның зияткерлік салаларында); жеке ресурстар мен адамның өзін-өзі дамыту процестерін белсендіреді (өзін-өзі бағалау, сенімділікті арттыру, агрессивтілікті төмендету және т. б.). [11] Оқу процесінде оқушылар өздерінің құндылық жүйелерін анықтауға, мінез-құлықтың жаңа стильдерін сынап көруге, тәуелсіз зерттеулерге қатысуға және осы зерттеулер барысында құзыреттіліктің негізгі түрлерін дамытуға мүмкіндік алуы маңызды. жүктеу/скачать 2,82 Mb. Достарыңызбен бөлісу:
|