Суреттер. Суреттер бақылау қабілетін, ынтымақтастық дағдысын дамыту үшін, қиялы мен эмпатия сезімін дамыту үшін пайаланылуы мүмкін. Оқушыларға Бала құқықтары туралы конвенция және Қазақстан Республикасындағы баланың құқықтары туралы Заң бойынша дайындалған суреттер топтамасын, басқа да мектеп оқушыларының құқықтық құндылықтармен танысуы үшін мектеп көрмесіне қоюға болады.
Бұл құралды қалай қолдануға болады?
Балалардың құқын қорғауға қатысты түрлі себептермен байланысты газеттердегі, журналдардағы, кітаптардағы суреттерді, фотосуреттерді жинаңыз. Әрбір оқушыға сурет салу үшін материалдар (қағаз, қарындаш, фломастерлер) мен бір-бір суреттен беріңіз. Оларға қолдарындағы суреттерін бір-біріне көрсетпеуін ескертіңіз.
Бастапқыда бірінші оқушы өз серіктесіне өзінің суретінде не бейнеленгенін сипаттап беруі тиіс, екінші оқушы сипаттаманың негізінде сурет дайындауға тырысуы қажет. 10 минуттан кейін бұл жұп рольдерімен ауысады. Уақыттың аздығына байланысты суреттер өте қарапайым болуы тиіс. Бұл жаттығуда маңызды нәрсе сурет салу емес, оны сипаттап беру.
Жаттығуды аяқтағаннан кейін оқушылар кезек бойынша өз суреттерін түпнұсқасымен салыстырады. Оқушылардан маңызды бір нәрсе ескерілгенін немесе ескерілмегенін сұраңыз. Неге? Не үшін?
Оқушыларға мақалдарды пайдалана отырып балалардың құқын бейнелейтін сурет салу бойынша тапсырма беруге болады. Мысал ретінде төмендегі балалар суретін беруге болады:
Достарыңызбен бөлісу: |
