Метрология, стандарттау, сертификаттау және сапаны басқару
Стандарттау органдары мен қызметтері
жүктеу/скачать 147,61 Kb.
|
Лекции МССУК-Каз 111 (1)
Стандарттау органдары мен қызметтеріСтандарттау бойынша қызметтерді сәйкесті органдар және ұйымдар іске асырады. Стандарттаумен айналысатын орган деп стандарттау саласында ұлттық, регионалдық немесе халықаралық деңгейлерде жалпы танылған органды айтады. Мұндай органның негізгі функциялары - тұтынушылардың кең ауқымына жетімді нормативті құжаттарды дайындау және бекіту. Бірақ ол басқа да көптеген қызметтерді орындауы мүмкін, бұл әсіресе стандарттау бойынша ұлттық органы үшін. Қазақстанда уәкілетті орган – Техникалық реттеу және метрология комитеті стандарттау бойынша ұлттық орган болып табылады. Бұл комитет ҚР Инвестициялар және даму министрлігі құрамында жұмыс істейді. Осы комитеттің екі республикалық мемлекеттік кәсіпорындары: «Қазақтан стандарттау және сертификаттау институты», «Қазақтан метрология институты» және «Мемлекеттік бақылау бойынша аумақтық басқармасы» бар. Ал министрлік құрамында тағы да «Экспертиза және сертификаттау бойынша Ұлттық орталығы», «Аккредитациялау бойынша Ұлттық орталығы» акционерлік қоғамдары бар. Уәкілетті орган – ҚР заңнамасына сәйкес уәкілденген мемлекеттік орган, ол стандарттау, сәйкестілікті нақтылау және тіркеу мәселелері бойынша халықаралық және регионалдық ұйымдарда Қазақстан Республикасының атынан өкілеттік етеді және техникалық реттеу саласындағы жұмыстарды бақылауды басқарып, іске асырады. Стандарттау саласындағы уәкілетті орган келесі қызметтерді орындайды: а) техника-экономикалық ақпараттың мемлекеттік стандарттары мен классификаторларын дайындаудың, келісудің, есепке алудың, бекітудің, сараптаудың, өзгертудің, бас тартудың және іске қосудың тәртібін орнатады; б) техникалық реттеу саласындағы нормативті-құқықтық актілермен үйлестірілген стандарттардың дайындаудың, талдауын ұйымдастырады; в) ҚР аумағында стандарттау, сәйкестік және реттеуді бекіту бойынша шет ел мемлекеттерінің халықаралық, регионалдық және ұлттық стандарттарының, техника-экономикалық ақпараттарының, классификатор- ларының ережелері мен ұсыныстарының қолдану және есеп беру тәртіптерін белгілейді; г) мемлекеттік, халықаралық, регионалды және шет ел мемлекеттердің стандарттарын, стандарттау бойынша ережелері мен кепілдемелерін, сәйкестік пен аккредитацияны бекіту бойынша ақпарат жариялайды, ресми басылымдарының басылуын және таратылуын ұйымдастырады; д) мемлекеттік стандарттау жоспарлары мен бағдарламаларын дайындау тәртібін белгілейді; е) мемлекеттік және орыс тілдеріне стандарттау бойынша нормативтік құжаттардың аудармаларын бекітуді ұйымдастырады. Техникалық реттеу және метрология комитеті (2005 ж. дейін Стандарттау, метрология және сертификаттау комитеті - ГОССТАНДАРТ) Индустрия және даму Министрлігінің «Стандарттау, метрология және сертификаттау Комитетінің» ережелеріне сәйкес және де «Техникалық реттеу туралы» (2004 ж., 9 қараша), «Өлшеу бірліктерін қамтамасыз ету туралы» (2000 ж., 7 маусым), «Тұтынушылар құқықтарын қорғау туралы» (2004 ж., 4 мамыр) Заңдарына сүйене отырып өзінің қызметін орындайды. Жаңа заңдар халықаралық талаптардың барлығына сәйкес. Комитет стандарттау, метрология, сертификаттау және аккредитациялау салаларындағы мемлекеттік саясатын құрастырып, іске асырады, стандарттау бойынша нормативті құжаттар талаптарын орындалуының, сертификаттау ережелерін, сертификаттанатын өнімнің сапасын, өлшеу құралдарының күйлері мен қолдануын, сертификаттау бойынша органдар мен сынау зертханалардың қызметтерін мемлекеттік бақылауын орындайды. Комитет саудадағы техникалық кедергілерді жою мақсатымен стандарттау, метрология және сертификаттау бойынша халықаралық ғылыми-техникалық ынтымақтастықты қамтуға тырысады. Стандарттау бойынша тұрақты жұмыс органдары техникалық комитеттер болып табылады, бірақ сонымен бірге нормативті құжаттарды кәсіпорындар, қоғамдық ұйымдар, шаруашылық қызыметінің басқа да субъекттері жасаулары мүскін. Тақырып бойынша қосымша ақпаратты [2-5,8,9] алуға болады. жүктеу/скачать 147,61 Kb. Достарыңызбен бөлісу:
|