Қазақстан Республикасының халық жазушысы М. Шаханов қазіргі ОҚО Қасқасу ауылында дүниеге келген. Ол- «Қырғыз Республикасының халық ақыны», жиырмадан астам шетелдік академиялардың, университеттердік құрметті докторы, профессоры. Түркия, Әзербайжан, Солтүстік Кипр мемлекеттері тағайындаған «Түркі әлеміне сіңірген ерен еңбегі үшін» атағының иегері. Нобельдің 100 жылдығына орай Тамбов қаласында өткен конгрессте «Нобельдің алтын медальімен» марапатталды.
Шығармашылығы
Мұхтар Шахановтың алғашқы өлеңі 1959 жылы «Сырдария» деген атпен жарияланса, «Бақыт» атты тұңғыш өлеңдер жинағы 1966 жылы жарық көрді. Ақынның «Балладалар», « Ғасырлардағы безбендеу», «Уақыт бедерлері»,« Зерде» атты өлеңдер, балладалар мен поэма жинақтары бар.
Ақынның «Нарынқұм зауалы» поэмасы-халық батыры әрі дауылпаз ақын Махамбетке арналған поэзиялық шығарма.
