– Streptococcus mastididis (Streptococcus agalactiae) .
Патологиялық материал. Зерттеуге желіннің зақымдалған жерінің
секретін (сүт) жібереді. Секретті желіннің әр үрпісінен жеке-жеке
стерильді шыны түтіктерге сауып алады. Желінсаудың субклиникалық
түрін анықтау үшін сүттің алғашқы порцияларын сауып тастап, желінді
жуып, 70%-ды спиртпен өңдеп алады. Сонан соң желіннің әр үрпісінен
сүттің соңғы порцияларын жеке-жеке шыны түтіктерге сауып,
тығындарын жауып, зерттеуге жібереді. Алынған сүт үлгілері екі сағат
аралығында тексерілуі тиіс.
Микроскопиясы. Грам тәсілімен боялған жағындыларда
стрептококкалар ұзын тізбектер түрінде орналасады (54-сурет).
Жағындыны Романовский-Гимза немесе метилен көгімен
(Леффлер) бояғанда фагоциттерді көріп санауға болады (сүтте
лейкоциттер санының көбеюі сүт безінің қабынғандығын білдіреді).
Олардың жасушаларының диаметрі 0,5-1 мкм болатын грам-теріс,
жылжымайтын, спора мен капсула түзбейтін микроорганизм.
