Кешенді ұстаным. Тіл дамыту – қазақ тілін оқыту әдістемесіндегі өте күрделі мәселе. Өйткені тіл дамытудың өзіндік мазмұны, оқыту құралдары, студент тілі дамуының деңгейінен бағалау өлшемдері болуы қажет. Жоғары оқу орнында студенттерге теориялық білім берумен қатар олардың сөйлеу тілінің сапасын арттыру кешенді жүргізілген жұмыстар арқылы жүзеге асады. Ондай жұмыстар морфологиялық жаттығулар, іскерлік ойындар, ойталқы, ойбөліс, шығармашылық т.б. тапсырмалар кешенді түрде орындалса ғана нәтиежелі болады. Мұндай тапсырмалар студенттің өзінің сөйлеген сөзіне мән беріп, сөзінің мазмұндылығы, баяндауының жүйелігі, мәнерлілігі, сөздік қорының байлығы, бейнелі сөздерді пайдалануы секілді шеберліктерді игеруіне ықпал етеді.
Достарыңызбен бөлісу: |
