I. 1.4– тармақ. «Қазақ тілін оқыту әдістемесі» пәнінің білім мазмұны
Тілді оқыту әр сатының өзінің ерекшелігіне байланысты дамып, өзгеріп отырады. Оқыту – білім алушыға білім беру, тәрбиелеу, дамыту мақсатына бағытталған алдын – ала жоспарланған іс - әрекет. Осы мәселерді негізге алатын жоғары оқу орнындағы қазақ тілін оқыту әдістемесі пәнінің білім мазмұны – адамзат жинақтаған тәжірибенің болашақ маманның білім беру саласнында жұмыс істеуіне қажетті және арнайы меңгерілетін бөлшегі. Яғни, ол – оқытудың нәтиежесі болатын білім, білік, дағды, тұлғалық қасиеттерді қалыпатсыратын қор жинағы.
Әдіскер – ғалымдар оқыту үдерісінің бірнеше мәнін айқындап көрсетеді. Жоғары оқу орнындағы қазақ тілін оқыту әдістемесі пәні бойынша ұсынылатын білім мазмұнында бұл мәселерге ерекше назар аударуды қажет етеді. Болашақ маманның қазіргі білім беру жүйесіне қойылып отырған талаптар мен әлеуметтік сұранымды өзінің кәсіби әрекетінде үнемі ескеріп, басшылыққа алуына бағыт беретін білім мазмұнының жүйесі қазақ тілін оқытудың үдеріс ретіндегі ерекшелігі мен олардың жалпы сипатына негізделіп құрылады. Сондықтан төменде осы үдерістің ең маңызды қырлары сараланады:
Достарыңызбен бөлісу: |
