127. Тауқырықайдан Ойнаушылар иықтарымен жақындаса бірінің қолы, бірінің басына жетерліктей мөлшерде дөңгеленіп отырады. Ойын бастаушы басына тақия киіп отырады, басқасы жалаң бас болулары керек. Ойын бастаушы:
– Тауқырықайдан-тауқырықайдан, – деп қайталап айтып отырады да, өз басындағы тақияны оң жағындағы көршісінің басына кигізе қояды. Көрші де сол сөзді қайталап, оң жағындағы көршісіне кигізеді. Ойын осылай жалғасып кете береді. Бір мезетте ойын бастаушы көзін жұмып отырып:
– Тау-тау, – деп айтып, басын өзі қолымен баса қояды. Тақия кімнің басында қалса, соған айып салынады.
