Н. Назарбаев. Астрахан №1 орта мектебі

2014 жылдың қыркүйек айында Астрахан №1 орта мектебінде Ақмола облысы Педагогикалық шеберлік орталығы филиалы ұйымдастыруымен деңгейлік курс бағдаламасы бойынша облыстық семинар өтті. Семинарда мектебімізден ІІ деңгейді аяқтаған мұғалім Абишева С.Б. «Lesson study-оқыту әдісі» тақырыбында барлық аудан мұғалімдері алдында коучинг жүргізді. Аталмыш әдістің шығу тарихына, тиімділігіне тоқтала келе, «Lesson study» бойынша қалай жұмыс жасауға болатынын қатысушы мұғалімдер өз бойынан өткізіп, терең мағлұмат алды. Абишева С.Б. осы семинарда физика пәнінен 7 «а» сыныбында мастер класс берді. Сабақ барысында топтық жұмыстың, бағалаудың озық үлгілерін көрсетті.

2014 жылдың қараша айында Астрахан №1 орта мектебі базасында «Өрлеу» БАҰО» АҚ педагог қызметкерлердің біліктілігін арттыру институты Ақмола облысы филиалы ұйымдастыруымен «Оқытудағы тиімді бағалаудың түрлері» тақырыбындағы облыстық семинар өтті. Семинарда ІІІ деңгей бағдарламасын аяқтаған бастаушы сынып мұғалімі Отениязова А.А. мен тарих пәні мұғалімі Ерсейтова Ж.У. «Оқытудағы тиімді бағалаудың тиімділігі» тақырыбында масттер класс берді. Мастер класс қатысушылар тарапынан өте жоғары бағаланды, себебі бағалаудың түрлеріне және оқушылармен жұмыстарынан таныстырылым көрсетуімен ерекшеленді.

Мектепте І жарты жылдықта дене шынықтыру және АӘД пәні, ағылшын тілі, орыс тілі мен әдебиеті, тарих пәні апталықтары өтті. Пән апталықтарында дене шынықтыру пәні мұғалімдері Ашкенов В.Қ., Рахман А, АӘД мұғалімі Абдрахманов Б.А., ағылшын тілі мұғалімдері Жусупова Ж.К., Баймуканова С.Ж, орыс тілі мұғалімдері Құттыбаева Б.Е, Кусаинова Б.Т, тарих пәні мұғалімдері Ақылбеков С.А., Ерсейтова Ж.У. ашық сабақтар мен сыныптан тыс іс-шаралар өткізді. Қабырға газеттері сайыстары, сурет көрмесі т.б. оқушылардың шығармашылығын дамытуға ықпалын тигізді. Бірақ, апталықтарында өтетін сыныптан тыс іс-шаралардың сапасын жетілдіру пән мұғалімдеріне ұсыныс ретінде айтылды.

Қыркүйек айынан бері І деңгейді бітірген Ибекенова С.Г. және Ақылбеков С.А. ұйымдастыруымен 8 «а», 5 «а», 7 «ә» сыныптарында пән мұғалімдерінің қатысуымен «Lesson study» оқыту әдісі бойынша сабақтар циклі құрылып тәжірибеден өтілуде. І жарты жылдықта І цикл аяқталып қорытындыланды. Зерттеу жүргізген сыныптардағы бақылауға алынған оқушыларда оқуға деген оң өзгеріс байқалғаны көрсетілген дәлелдемелер жинақталды. Бастауыш сынып мұғалімдері қатысуымен сыныптағы іс-әрекеттегі зерттеу өтуде. Зерттеуге қатысқан мұғалімдер ашық сабақтар беріп, нысаналы оқушылар зерттелуде. Тәжірибеден өтіп жатқан жаңаша оқу әдісі мектептегі білім сапасының артуына ықпал етіп, жаңа технологиядағы 7 модульді ықпалдастырудың тиімді жолдары насихатталуда.

ІІ деңгейді бітірген Абишева С.Б, Ахыт Е, Касымова С.Ш, Қазанбаева А.А. Кембридждік бағдарламасы негізінде 7 модульді қолданудың жолдарын көрсететін оқыту коучингтерін тоқсан сайын өткізіп отыр. Нәтижесінде мұғалімдер сыныптарда топпен жұмысты жандандыруда.

Астрахан №1 орта мектебінде 2 жас маман бар. Баймуканова Салтанат Жанатқызы, 3 жыл ағылшын тілі маманы ретінде жұмыс жасауда. Өткен оқу жылындағы тәлімгері Еңсебаева С.С. ауысуына байланысты жас маманға тәлімгер ретінде әдістемелік жетекшісі Құттыбаева Бақыт Ержановна бекітілді. Жұмыс жоспарлары құрылған.

Жаңадан келген маман музыка пәні мұғалімі Ибрагимова А.М. Еңбек өлілі 12 жыл. Жас мамандар мен жаңадан келген мұғалімдер жоспар бойынша сабақтарға қатысып, әдістемелік кеңестер алып отырады. Әрбір жас маман педагогикалық идеялар папкасын жинақтайды. Онда өздеріне әдіскер, тәлімгер тарапынан, өздерінің іздеулері бойынша қажетті нұсқаулықтар, сабақ жоспарларының үлгілері, жазылған кеңестер т.б. жинақтайды. Жас мамандарға тәжірибелі мамандардың сабақтарына көбірек қатысуға кеңестер берілді.

Алдабергенов Толқын Жаңбырбайұлы педагогикалық өтілін енді бастаған маман. Білімі жоғары, технология пәні мұғалімі мамандығы бойынша биыл бітірген. Тәлімгері ретінде бірінші санатты мұғалім Абишева Сәрия Беккожиновна бекітілді.

Қазіргі әлемдік білім кеңістігіндегі халықаралық стандарт талаптарына сай оқыту үдерісінің орталық тұлғасы білім алушы субъект, ал ол субьектінің алған білімінің түпкі нәтижесі құзіреттіліктер болып белгіленуі білім беру жүйесінде «функционалдық сауаттылықты» қалыптастыру мәселесін негізге алудың өзектілігін арттырып отыр.

Функционалдық сауаттылық – адамның сыртқы ортамен қарым-қатынасқа түсе алу қабілеті және сол ортаға барынша тез бейімделе алуы мен қарым-қатынас жасай алу деңгейінің көрсеткіші.

Сауаттылық тұлғаның тұрақты қасиеті болып табылатындықтан, функционалдық сауаттылық сол тұлға меңгерген белгілі бір білім-біліктерден көрініс табады. Өйткені функционалдық сауаттылыққа адам нақты білім алу кезеңдерінен өткеннен кейін қол жеткізеді.

Функционалдық сауаттылық оқушылардың сыртқы ортамен қарым-қатынас жасау қабілеті, оқушылардың өзгермелі өмірге бейімделуінің шарты, оқушылардың жеке бас қабілеттерін дамытудың тетігі, оқушылардың әлеуметтік дағдыларын дамытудың негізі, әлеуметтік-мәдени дамуының өлшемі, білім, білік, дағдыларының құзыреттілікке ұласу жолы. Ол оқушылардың қатысымдық, ақпараттық, проблемалардың шешімін табу құзыреттіліктерінің бірлігінен құралады.

Оқушылардың функционалдық сауаттылық мазмұны келесі құзыреттіліктерден көрінеді:

• 
  оқу, жазу сауаттылығынан;
  
• 
  жаратылыстану ғылымындағы сауаттылығынан;
  
• 
  математикалық сауаттылығынан;
  
• 
  компьютерлік сауаттылықтан;
  
• 
  денсаулық мәселесіндегі сауаттылықтан;
  
• 
  құқықтық сауаттылығынан.
  

2-тоқсан қорытындысы бойынша бастауыш сатыда (1-4 сынып) 126 оқушы оқыды, оның ішінде 35-і үздіктер қатарында, 34-і екпінділер қатарында аяқтады. Үлгермеуші оқушы жоқ. Оқу үлгерімі – 100 %; білім сапасы – 78%; Ең жоғарғы білім сапасын 2 сынып (сынып жетекшісі Оспанова Г) – 86 % көрсетті.

Негізгі сатыда (5-9 сынып) 160 оқушы оқыды, оның ішінде 30-сы үздіктер қатарында, 49-ы екпінділер қатарында аяқтады. Үлгермеуші оқушы жоқ. Оқу үлгерімі – 100 %; білім сапасы – 49%; Ең жоғарғы білім сапасын 6ә сыныбы (сынып жетекшісі Абишева С.Б.) – 60 % көрсетті. Ең төменгі білім сапасын (26 %) 8ә сыныбы (Құттыбаева Б.Е..) көрсетті.

Жоғарғы сатыда (10-11 сынып) 33 оқушы оқыды, оның ішінде 9-ы үздіктер қатарында,10-ы екпінділер қатарында аяқтады. Үлгермеуші оқушы жоқ. Оқу үлгерімі – 100%; білім сапасы – 57%;