Nátiyjeler hám diskussiya.
Biz Qaraqalpaqstan
Respublikası aymaǵın tómendegi 4 ekonomikalıq rayonǵa
bóliwdi usınamız (1-súwret).
1.
Arqa-shıǵıs ekonomikalıq rayonı;
2.
Arqa-batıs ekonomikalıq rayonı;
3.
Oraylıq ekonomikalıq rayonı;
4.
Qubla ekonomikalıq rayonı.
1-súwret.
Qaraqalpaqstan Respublikasınıń
ekonomikalıq-geografiyalıq rayonlastırılıwı
Bul ekonomikalıq rayonlar 2 hám onnan artıq
administrativlik birliklerden (rayonlar hám Nókis qalası)
ibarat. Mısalı, Arqa-shıǵıs ekonomikalıq rayonı Bozataw,
Qaraózek, Kegeyli, Taxtakópir, Shımbay rayonlarınan,
Arqa-batıs ekonomikalıq rayonı Qońırat hám Moynaq
rayonlarınan, Oraylıq ekonomikalıq rayonı Nókis qalası,
Qanlıkól, Nókis, Taqıyatas, Xojeli, Shomanay rayonlarınan,
Qubla ekonomikalıq rayonı Ámiwdárya, Beruniy, Ellikqala,
Tórtkúl rayonlarınan quralǵan. Bul ekonomikalıq rayonlar
sheńberinde arqa-shıǵıs hám arqa-batıs rayonlardıń
ekonomikalıq hám demografiyalıq potensialı birqansha
tómen, Oraylıq hám Qubla rayonlar bolsa salıstırmalı jaqsı
rawajlanǵan.
Arqa-shıǵıs ekonomikalıq rayonı
respublika aymaǵınıń
19,2 % maydanın iyeleydi. Xalqı 302,1 mıń bolıp, bul
respublika xalqınıń 15,7 % in quraydı. Rayon xalqınıń
tiykarǵı bólegi Ámiwdárya deltasındaǵı suwǵarmalı
diyqanshılıq aymaqlarında, sharwalar Taxtakópir hám
Qaraózek rayonlarınıń Qızılqum shóli aymaqlarında
jasaydı. Rayon xalqı tıǵız jaylaspaǵan bolıp, xalqınıń 126,2
mıńı qalalıq orınlarda jasaydı. Rayonnıń urbanizaciya
dárejesi 41,8 % ti quraydı.
Rayonǵa respublika sanaatınıń 7,2 % i, awıl xojalıǵınıń
20,8 % i, xızmetler tarawlarınıń 7,8 % i tuwrı keledi.
Ekonomikalıq rayon – ǵálleshilik, qala átirapı palız
eginlerin egiwge, sút-gósh sharwashılıǵı, paxtashılıqqa
qánigelesken. Rayon aymaǵında jerlerdiń meliorativlik
jaǵdayınıń Oraylıq hám Qubla ekonomikalıq rayonlarǵa
qaraǵanda tómen ekenligi nátiyjesinde, diyqanshılıqtan
ónim alıw bir qansha tómen esaplanadı.
Búgingi kúnde ekonomikalıq rayon aymaǵında
jaylasqan rayonlardıń awıl xojalıǵınan alatuǵın ulıwma
óniminiń quramında sharwashılıq birinshi orında turadı.
Достарыңызбен бөлісу: |
