Научно-методический журнал Серия: Естественно-технические науки. Социальные и экономические науки. Филологические науки
жүктеу/скачать 4,81 Mb. Pdf көрінісі
|
2-сан 2023 (1-серия)
| Qubla ekonomikalıq rayonı
óz quramına Ámiwdárya, Beruniy, Tórtkúl hám Ellikqala rayonların aladı. Aymaǵı Qaraqalpaqstan Respublikasınıń 10,7 % in quraydı. Qubla ekonomikalıq rayonınıń ózine tán ózgesheliklerinen biri aymaqtıń basqa ekonomikalıq rayonlarǵa salıstırǵanda qublada hám xalıq sanınıń basqa ekonomikalıq rayonlarǵa qaraǵanda kóp ekenliginde. Ekonomikalıq rayon xalqı 775,6 mıń adam bolıp, respublika xalqınıń 40,3 % i usı rayonda jasaydı. Bul kórsetkish boyınsha rayon republikada birinshi orında turadı. Ekonomikalıq rayon xalqınıń 223,9 mıńı qalalarda, 551,7 mıńı awıllıq orınlarda jasaydı. Rayonnıń urbanizaciya dárejesi 28,9 % ti quraydı. Urbanizaciya kórsetkishi boyınsha basqa rayonlardıń aqırında turadı. Rayon Qaraqalpaqstanda óndiriletuǵın awıl xojalıǵı ónimleriniń 55,0 % in, sanaat ónimleriniń shama menen 27,5 % in, hámde xızmetler tarawınıń 24,1 % in támiynleydi. Bul jerde agrosanaat kompleksi, atap aytqanda, paxta hám salı jetistiriw, awıl xojalıǵı ónimlerin qayta islew sanaatı qáliplesken. Juwmaqlaw. Qaraqalpaqstan Respublikasın ekonomikalıq rayonlastırıw hám hár bir ekonomikalıq rayonnıń qánigelesken tarawın konkretlestiriw miynet ónimdarlıǵınıń artıwına, aymaqlardıń social-ekonomikalıq rawajlanıwınıń jedellesiwine, mámleket byudjetinen ajıratılǵan artıqsha qarjılardıń tejeliwine óziniń unamlı tásirin kórsetiwi sózsiz. Ózbekstan Respublikası Prezidentiniń 2022-jıl 30-dekabrdegi ―Respublika aymaqların kategoriyalarǵa bóliw hám isbilermenlikti qollap-quwatlawdıń differenciallastırılǵan sistemasın engiziw is-ilájları‖ pármanı [1] boyınsha Qaraqalpaqstan Respublikasınıń 17 administrativlik aymaǵın 2–5- kategoriyalarǵa kirgizildi. Bunda 2-kategoriyaǵa – Nókis qalası hám Qońırat rayonı, 3-kategoriyaǵa Beruniy, Qaraózek, Taqıyatas, Tórtkúl, Xojeli, Ellikqala, 4- kategoriyaǵa Ámiwdárya hám Nókis, 5-kategoriyaǵa Bozataw, Kegeyli, Qanlıkól, Moynaq, Taxtakópir, Shomanay rayonları tiyisli. Bul dizimge qarasaq, biz ajıratqan 4 ekonomikalıq rayonnıń oraylıq yadroları bolǵan Nókis hám Qońırat 2-kategoriyaǵa, Xojeli, Shımbay, Beruniy hám Tórtkúl rayonları 3-kategoriyaǵa kiritilgenin kóriwimiz múmkin. Bul kategoriyalar boyınsha administrativlik aymaqlarǵa hám olardıń xalqına berilip atırǵan jeńillikler aymaqlardıń rawajlanıwına hám xalqınıń turmıs keshiriwiniń jaqsılanıwına óziniń unamlı tásirin tiygiziwi sózsiz. жүктеу/скачать 4,81 Mb. Достарыңызбен бөлісу:
|