Наурыз – көктем мерекесі! 1-жүргізуші
жүктеу/скачать 37,5 Kb.
|
- Бұл бет үшін навигация:
- 1 – жүргізуші
- 2-жүргізуші
| Наурыз – көктем мерекесі!
1-жүргізуші: - Армысыздар қонақтар, ата – аналар, ұстаздар, оқушылар! Бәріміздің асыға күткен Наурыз тойымыз келіп жетті. Тойларыңыз құтты болсын! 2-жүргізуші: Наурыз – «жаңа күн» деген сөз. Бұл күн – біздің ата – бабаларымыз, арғы тегіміз мыңдаған жылдардан бері тойлап келе жатқан жыл басы мерекесі. Наурыз тойымыз құтты болсын! Ұлыстың ұлы күні деп аталған Наурызда денсаулықтарыңыз мықты болсын, тілектеріңіз қабыл болсын! 1 – жүргізуші: Наурыз – көктем мерекесі. Наурыз – жыл басы. Наурыз – жаңа серпін, жаңа леп. 2 - жүргізуші: Наурыз – қуаныш мерекесі, Бақыт пен шаттық мерекесі. 1 - жүргізуші: Наурыз – шаруаның мерекесі. Наурыз – еңбек мерекесі. 2 - жүргізуші: Армысыңдар, халайық, Бармысыңдар, халайық. Наурыз тойын жұп жазбай Жылда қарсы алайық. 1 - жүргізуші: Ал, халайық, тұрмайық, Әндетейік жырлайық! Ортамызды ашайық, Ырыс тілеп бұл жылға, Жырдан шашу шашайық! Монтаж: «Наурыз той» 3-сынып оқушылары 1-жүргізуші: Қыс өтіп қар кетті, Жырлайық жаз жетті. Мейрамы ежелден Құтты болсын Наурыз! Кабденова Аяулым мен Жоломанова Асылжанның орындауында «Отырардағы той» әні 2-жүргізуші: Әнім де саған, биім де, Құт қонақ өзің үйімде. Қуаныш сыйлар еліме, Күлімде, Наурыз, күлімде. «Балапан» шағын орталықғының тәрбиеленушілерінің орындауында «Қара жорға» биі, «Көктем келді» әні 1-жүргізуші: Күн менен түн теңелді, Жер шуаққа кенелді, Қуанышта ел енді. Наурыз келді салтымыз: Көгерсін деп халқымыз Көшеге тал егеді. Наурыз тойы - береке, Наурыз тойы – жыр – аңыз. «Тұсау кесер» салт-дәстүрінен көрініс. Айгүл Сағидуллаевнаның орындауында «Ата дәстүрлері» әні 2-жүргізуші: Наурыз айы – Шығыс күн есебі бойынша жылдың алғашқы айы. Бұл айда жылдың алғашқы айы есебінде күн мен түн теңеледі, сол себептен Наурыз жыл басы болып саналады. Алдарыңызда 3-сынып оқушыларының орындауында «Қуанышым қазынам» әні 1-жүргізуші: Наурызым ғажап туысың, Ұлыстың ұлы күнісің. Жылыттың жердің жүрегін, Жүрегі елдің жылысын. 3-сынып қыздарының «Құстар» биі 2-жүргізуші: Наурызым - тойлы нұрлы күн, Мерейің асып тұр бүгін. Жерімнің жүзін жылыттың, Елімнің сақта бірлігін! Мақсұтқанова Аяулымның орындауында «Туған жер» әні 1 - жүргізуші: Кедеймін деп қысылма, Өнерің болса қолыңда. Өнерлінің ырысы Жарқырап жатыр жолында. Сайыста ән салайық, би билейік, Өнермен өрге басып кідірмейік. «Томирис» би тобының орындауында қазақ биі 2-жүргізуші: Арда өсіп, адал емген ақ уызың, Қалдырған ғасырларға нәрлі ізін. Көк бөрілі байрағын желбіретіп, Көк түріктер тойлаған Наурызым. Шәріпбай Еламанның орындауында «Жаным қазақ» әні 1-жүргізуші: Наурыз – достық, Наурыз – күн, Барша халық бірлігі. Тағы келді Ұлыс күн, Жалғасып ғалам тірлігі. Елнұр мен Айғанымның орындауында «Қыдырып қайтайық» әні 2-жүргізуші: Наурыз тойы – береке, Наурыз тойы – жыр – аңыз. Қызық думан - мереке, Қызық думан құрамыз. Кабденова Аяулымның орындауында «Мереке» әні 1-жүргізуші: Шашу! Шашу! Көп шашайық шашуды, Жауғандай кеп аспаннан нөсер жаңбыр. Уа, жамағат, теріп ал несібіңді, Ризығың болсын көл – көсір! Болат Жусуповтың орындауында «Кружева» вальсі авторлық шығармашылығы 2-жүргізуші: Ерітіп қарын даланың, Жинатып гүлін саланың. Жетелеп жұмсақ самалын, Келді Наурыз – жыл басы. Ақнұр Хамитовна мен Жоламанова Асылжанның орындауында «Қазақ елі осындай» әні. 2-жүргізуші: - Ал құрметті қонақтар, сіздер үшін әзірленген наурыз көжеден дәм татып, қазақтың ұлттық ойындарын ойнауға шақырамыз. 1-жүргізуші: 1. Асық ойынынан жарыс 2. Арқан тартыстан жарыс 3. Қол күрестен жарыс өткізіледі. 2-жүргізуші: Күлімдеп қарап күміс күн, Аспаның бүркіп пүліш түн. Ұлы күні Ұлыстың, Келді Наурыз – жыл басы! 1 -жүргізуші: Қашанда құт – береке орнасын деп, Тойларда шашу шашу - салты елімнің. Уа, халайық! Теріп ал несібіңді, Қабыл болсын, жамағат, ақ тілеуің! Қош сау болыңыздар! жүктеу/скачать 37,5 Kb. Достарыңызбен бөлісу:
|