АКТ қолданудың оңтайлы тәжірибесін ескере отырып, логопедиялық «Дэльфа» тренажеры белсенді қолданылады.
Компьютерлік логопедиялық тренажер «Дэльфа» - есту және тіл кемшіліктері бар балалардың ауызша және жазбаша тілдерін жан – жақты түзетуге бағытталған кешенді компьютерлік бағдарлама.
Дербес компьютер незігінде жұмыс жасайтын тренажер кез келген тілдік бірліктермен, дыбыстан мәтіндерге дейін жұмыс істеуге, әртүрлі сурдопедагогикалық мақсаттарды, тілдік тыныс алуды, дауысты және дыбыс шығаруды түзетуден тілдің лексико – грамматикалық жақтарын дамытуды, тіл кемшіліктерін түзету үрдісіне ойын элементтерін енгізуге, қажетті жаттығу түрін және материалды бірнеше рет қайталауға, әртүрлі ынталандырушы материалдарды (суреттер, әріптен, буындар, сөздер, сөйлемдер), баланың мүмкіндіктеріне қарай әртүрлі қиындық деңгейлерінде жұмыс жасауға мүмкіндік береді.
«Нумикон» дидактикалық материал жүйесі көмегімен математикалық білімді қалыптастыруға арналған әдістемелік құрал
«Нумикон» жүйесі ең алдымен балаларға сандарды ойша көруге және олармен әрекет жасауға көрнекілік көмек көрсету үшін жасалған. Сонымен бірге, пішіндерді қоса, аудара және оларды қозғалта отырып, балалар кеңістік пен пішін туралы көптеген маңызды нәрселерді біледі. Балалар геометриялық пішіндердің дөңгеленуі және кеңістіктегі орынын ауыстыруымен танысады.
Тәжірибе көрсеткендей логопедиялық тәжірибе кезінде заманауи және дәстүрлі емес әдістерді пайдалану оң нәтиже береді:
Балалардың сабаққа деген ынтасы біршама артады;
Балалар өздерін табыстырақ сезінеді;
Қарым – қатынас мотивация артады;
Бірінші ретті сөйлеу дағдылары мен икемділіктері дамиды.
Сөздік қоры толығады;
Тілдің грамматикалық құрылымы және байланыстыра сөйлеуі түзетіледі;
