А)ақпараттық құзыреттілік: білімді тексеру әдістері туралы белгілі ақпараттарды жүйелеу. Диагностика туралы, дидактикадағы бағалау өлшемдері туралы жаңа білімдер беру.
Ә)коммуникативтік құзыреттілік: баға туралы пікірсайысқа қатысып, өз тәжірибесіне талдау жасауға, оң және теріс баға беру каталогтарымен жұмыс істеткізіп, жазбаша және ауызша тілін дамыту.
Б)проблеманы шешу құзыреттілік: тексеру мен диагностиканы тығыз байланыста қолдану жобасын жасап, педагогикалық жағдаяттар шешу үшін теориялық білімдерін қолданып, өз шешімдерін ұсына білу іскерлігін жетілдіру.
Сабақтың типі: практикалық
Сабақта қолданылатын педагогикалық технологиялар: АКТ технологиясы герман техникалық орталығы жобасының элементтері.
Пәнаралық байланыс: жеке пәндер әдістемесі, тәрбие жұмысының әдістемесі, психология.
Оқыту құралдары: интерактивтік тақта, лекция және тапсырмалар мәтіндері.
Бiлiм мен дағдыны бақылау мен бағалаудың маңызы мен мiндеттерi
Оқушылардың оқу материалын меңгергенiн тексеру және бағалау - оқыту нәтижелерiн бақылау, оқу процесiнi¡ әртүрлi кезеңiндегi оқушылардың танымдық iс-әрекетiн басқару.
Бiлiмдi тексеру және бағалау оқушының бiлiм алуына көмектесiп, оның және мұғалiмнің білім сапасы жөнінде сандық мәлiмет береді. Мұғалiм оқушының білім деңгейінен хабар алып, оның танымдық жұмысын ұйымдастыруға негiз жасайды. Мұғалiм өз жұмысындағы жетiстiктер мен кемшiлiктерге баға берiп, жұмыс әдiстерiн толықтырып, түзетіп, жеке оқушылармен жұмыстың жолдарын және құралдарын тауып, бағдарламалық білімдердің меңгерілуі деңгейін анықтайды.
Оқушы тақырыпты қаншалықты деңгейде меңгергенін ұғады. Егер бiлiмдi тексермесе, онда оқушы өз бiлiмiн терең, жан- жақты және дұрыс бағалай алмайды. Оқушы баға алған соң өзiнiң мектептегi, үйдегi жұмыстарын жетiлдiруге, жақсы сапаларын дамытуға, бiлiм, iскерлiк, дағдыларындағы кемшiлiктердi жоюға мүмкiндiк алады.
