Сертификаттау жөніндегі жұмыс бағыттарын анықтайтын негізгі құжат 1992 жылы қабылданған «Стандарттау, метрология және сертификаттау саладағы келісімді саясатын жүргізу келісімі» болып табылады. Бұл Келісімнің қағидалары бойынша және ISO/МЭК-тің басшылығымен және осы саладағы жиналған тәжірибе негізінде ТМД мемлекеттері өздерінің ұлттық сертификаттау жүйесін құрады.
ТМД мемлекеттерінің дайындығы біркелкі еместігіне байланысты өзара мойындау жөніндегі көп тараптық келісімдерді бекітуге дайын емес, сондықтан қазіргі кезде екі тарапты келісімдер бекітілген. Мысалы, ҚР-сы Ресеймен, Белорусьпен, Молдовамен және Украинамен екі тарапты келісім белгіленген.
Сертификаттаудың негізгі бағыты өзара жеткізетін өнімдердің қауіпсіздігін қамтамасыз ету болып табылады. Ал бұл ұлттық сертификаттау жүйелерін өзара мойындауға тікелей байланысты.
ТМД мемлекеттерінде әр түрлі сәйкестік белгілері қабылданған (5 сурет). Келтірілген суреттерде көрініп тұрғандай, ТМД елдерінде белгілерді жасау және тағайындау әдістері әр түрлі болып келеді. Сертификаттау саласындағы ынтымақтастықтың одан ары дамуы белгілердің қолдану жалпы принциптерін қабылдауға мүмкіндік туғызады. Бұл белгілердің негізгі мақсаты - тауарлардың сапасы мен қауіпсіздігі туралы ақпараттарды тұтынушыға білдіру.
