Сары аязда қата ма,
http://www.adebiet.kz/index.php?option=com_content&task=view&id=1246&Itemid=23
Сары аязда қата ма,
Қайнардың аққан тұнығы,
Қап түбінде жата ма,
Болаттың асыл сынығы,
Халқы тозып кем болмас,
Әділ болса ұлығы.
Рақымсыз жақыннан
Халқы қатты түңілер,
Сырқат болсаң, жат жерде
Жаныңда кім бөгелер.
Әділ туған жақсыға
Екі даугер жүгінсе,
Тізесін қисық бүрмаса,
Асылдығы білінер.
Шал ақын Бұл дүниенің мысалы
http://www.adebiet.kz/index.php?option=com_content&task=view&id=278&Itemid=23
Жомарт жігіт баймен тең,
Шешен жігіт дүрмен тең,
Иманды көңіл кірмен тең,
Ақылы жоқ надандар,
Іс бітірмес жамандар,
Жүз болса да бірмен тең.
Мектептен сабақ алсаңыз,
Алуан шекер балмен тең.
Саясы жоқ бәйтерек
Сазға біткен талмен тең.
Жаман туса балаңыз,
Бұғып өскен тазбен тең.
Қайғы ойлаған жігіттің
Кең дүниесі тармен тең.
Уайымшыл адамның
Алды тұйық жармен тең.
Жетесі жаман боз бала
Тоқсандағы шалмен тең.
Жақсының айтқан ақылы
Қазулы сара жолмен тең.
Жаманға айтқан ақылың
Ағып кеткен селмен тең.
Қас жаманның орны бар
Кесек те болса көрмен тең.
Жомарттық қылған жігіттің
Ықыласын байқасаң,
Толқып соққан көлмен тең.
Жақындап келген кәрілік
Жайып қойған тормен тең.
Жақсы қатын алсаңыз
Жақсылығын білдірер,
Ерін жөнге көндірер,
Анық осы, боз бала,
Жұмақтан шыққан хормен тең.
Алғаның жаман жолықса
Жамандығын білдірер,
Ер қадірін кетірер,
Оның өзі, боз бала,
Маңдайға біткен сормен тең.
Достарыңызбен бөлісу: |
