Нұрмұратов с нұрекеева С. С., Сағымбаев Е. Оқырмандарға ұсынылып отырылған бұл антологияның ерекшелігі «Өзін-өзі тану»

Еңбектің тағы бір жауы – еріншектік. Еріншек өзінің қабілетін, күш-қайратын, ақыл-ой, шығармашылық мүмкіндігін толық пайдалана алмайды. Ол бір нәрсені ә дегеннен дұрыс ойлап, мінсіз жоспарлап, қапысыз болжауы мүмкін, бірақ оны қолға алуға ерініп, ертеңге калдыра береді, содан ойға алған шаруасы орнынан жылжымайды. Бұл қылығы әдетке айнала келіп, өмірде жөнді еш-теңеге қолы жетпей, алтын уақытын зая жібереді. Сондықтан еріншек сүйкімсіз, тіпті жиіркенішті көрінеді. «Тамшы тама берсе, тас теседі» дегендей, асқан қабілет-дарыны болмаса да, күн сайын көздеген нысанасына қарай табандылықпен ілгерілеп тынымсыз әрекет жасап, ізденген адам үлкен іс тындырып, мақсатына жетуі, ал одан әлдеқайда талантты және оның айлап жүрген жолын аптада-ак, басып өте алатын, бірақ жалқау, көңілі түскенде ғана бір талпынып қоятын кісі өмірде алдына қойған мақсаттарының бірде-біріне жете алмауы былай тұрсын ақыры тірлікті рухани және күш-қайрат жағынан тоқыраумен аяқтауы ықтимал. «Еріншектің ертеңі таусылмас», «Еріншекке бүгіннен ертең оңай», «Еріншекке іс тапсырсаң, өзіңе ақыл айтады», «Еріншектің егіні піспес» деген сияқты мақалдар сондайлар жайында. Жалқаулардың істі бітірудің жолын іздемей, сылтауыніздейтініәмбегеаян. Сондықтанеңбекті пір тұтқан, оның қыр-сырын қызыға зерттеген М. Горькийдің: «Барлық қуаныштың, дүниедегі барлық жақсылықтың көзі – еңбек» деген сөзін өсер үрпақтың зердесіне ұялатып, сеніміне айналдырғаннан ұтатынымыз анық. Өйткені адамзат еңбекпен ғана көктеп көгеріп, еңбекті қаншалық қызу сүйген сайын соншалық ұлы істер тындыратыны тәжірибеден белгілі. Олай болса, еңбекті өмір сүрудің бірінші кезектегі қажеті еткен адамдарды құрмет ету кісілік инабаттылыққа жатады. Ғылымға талпыну жолындағы жастарға үгіттеп айтар ақынның ақылы да бар. Ол – қандай нәрседен қашық болу, қандай нәрсемен дос болу.