Казахский язык (для школ с неказахским языком обучения)

Бастауыш мектепте 1-4-сыныптарда қарапайым деңгейдің 4 игерімін меңгерту талап етіледі. Атап айтсақ, 4-сыныпта білім алушылар А1 + бастапқы жетік игерімін меңгерулері қажет.

ҚР Білім және ғылым министрінің 2013 жылғы 27 қарашадағы № 471 бұйрығымен бекітілген үлгілік оқу жоспарына сәйкес «Қазақ тілі» пәні бойынша апталық оқу жүктемесінің көлемі:

• 
  оқыту орыс тілінде жүргізілетін мектептерде: аптасына 4 сағат, оқу жылына – 136 сағатты құрайды;
  
• 
  оқыту ұйғыр, өзбек, тәжік тілдерінде жүргізілетін мектептерде: аптасына 3 сағат, оқу жылына – 102 сағатты құрайды.
  

1) әлеуметтік-тұрмыстық ая – 50/40 сағат;

2) оқу-еңбек аясы – 20/16 сағат;

3) әлеуметтік-мәдени ая – 50/40 сағат.

Мұндағы белгіленген алдыңғы сан орыс тілді мектептерге, соңғы сан ұйғыр, өзбек, тәжік тілді мектептерге арналып көрсетілген.
15-кесте – Жазба жұмыстарының көлемі (мөлшері)

«5» деген баға: ешбір қатесі болмаса немесе емле, тыныс белгілерінен бір-бірден қате жіберсе;

«4» деген баға: емле және тыныс белгілерінен екі-екіден қате жіберсе; «3» деген баға: емле мен тыныс белгілерінен 4-5-тен қатесі болса немесе 3 емле, 5 тыныс белгі қатесі болса;

«2» деген баға: емле мен тыныс белгілерінің әрқайсысына 6-дан 10-ға дейін.

Егер бір қате бір сөздің құрамында немесе түбірлес сөздердің түбірінде қайталанса, бір қатеге саналады. Бір ережеге жататын қателер біртекті болып есептеледі. Алғашқы біртекті үш қате біреуге саналады да, келесі осындай қателер дербес есептеледі.

Сөздік диктант жүргізуге 5-7 минут, көркем жазуға бастауыш сыныптар үшін әр сабақ сайын 3-5 минут бөлінеді. Мұғалім жүйелі түрде әріп элементтерін түзетуі, дәптер шетіндегі қызыл сызықта арнайы көрсетуі қажет.

Оқу жылдамдығы 50-55 сөзді құрайды. Оқу жылдамдығын қалыптастыру бастауыш сыныптан басталады. Оқу жылдамдығы артқан сайын, есте сақтау қабілеті, ақыл-ой еңбегіне ынтасы арта түседі. Білім алушы дұрыс, әрі жылдам, әрі мазмұнды түсіне оқи білу тиіс.

Білім алушылар сөйлесім әрекетінің түрлері бойынша:

1. 
   бастауыш сыныпқа ұсынылған лексикалық минимумның 480-500 сөзін;
   
2. 
   8-9 сөйлем арқылы затты, құбылысты, іс-әрекетті сипаттауды;
   
3. 
   10-12 сөйлемнен тұратын диалогтегі мұғалімнің, сыныптастарының сөзін, шағын ақпараттарды түсінуді;
   
4. 
   10-15 сөйлемнен құрылған мәтіндерді интонация сақтап мәнерлеп оқуды;
   
5. 
   оқыған мәтін бойынша әр азат жолдың негізгі ойын 1 сөйлеммен айтуды;
   
6. 
   9-10 жолды өлеңді мәнерлеп түсініп оқуды;
   
7. 
   өзіне таныс тақырыптарда 4-5 репликадан тұратын тілдесімге түсе алуды меңгеруі тиіс.