Областной этап республиканской олимпиады по
жүктеу/скачать 2,12 Mb. Pdf көрінісі
|
chem10-2-tasks
NPKKYa - Uchebnik 2 230507 094841
| Областной
этап республиканской олимпиады по химии 2021 Комплект заданий II- тура для 10 класса 7 9 Нұсқа Ойланып тұраған химикке ішінде бейорганикалық тұздар, қышқылдар, негіздер бар 9 сынауық берілді. Сынауықтарда қорғасын (II) нитраты, барий хлориді, мыс (II) сульфаты, аммоний гидроксиді, күміс нитраты, алюминий сульфаты, калий иодиді, натрий карбонаты, азот қышқылы бар. Химиктің зертханалық жазбаларын пайдаланып, №1-9 сынауықтарда қандай заттар бар екендігін анықтаңыз. Талдау нəтижелерін практика матрицасына жазыңыз. Бақылаулар негізінде матрица ұяшықтарында анықталатын қосылыстардың формулаларын жазыңыз. Əр затты анықтаған химиялық реакциялардың теңдеулерін (молекулалық жəне иондық түрде) жазыңыз №7 сынауығындағы ерітінді көк түсті. Егер №2 сынауығындағы затқа №3 не №9 сынауықтарындағы заттармен əсер етсе, өзгеріс байқалмайды. Егер №2 сынауықтағы затқа №4, №7, №1 не №8 сынауықтарындағы заттарды қосса, ақ тұнба пайда болады. Ал егер №2 сынауығына №6 сынауықтағы затты құйса, сары тұнба түзіледі. №2 сынауығына №5 сынауықтағы затты құйса, ақ тұнба мен газі бөлінгені байқалады. Егер №4 сынауықтағы затты №1, №6 не №9 сынауықтардағы заттармен əрекеттестірсе, еш өзгеріс байқалмайды. Егер №4 сынауықтағы затты №7, №3, №8 жəне №5 сынауықтармен реакцияластырса, ақ тұнба пайда болады. Егер №7 сынауықтағы затты №8 не №9 сынауықтарына қосса, өзгеріс байқалмайды. Егер №7 сынауыққа №1 сынауықтағы затты қосса, алдыме ашық көк тұнба, кейін №1 затты артық мөлшерде қоса берген сайын, тұнба еріп, қою көк түсті ерітінді пайда болады. Егер №7 затты №3 сынауығындағы затпен əрекеттестірсе, ақ тұнба түзіледі. Ал егер №7 сынауығына №6 сынауықтағы ерітіндіні құйса, ерітінді қою қоңыр түске боялып, тұнба пайда болады. Егер №7 сынауығындағы затқа №5 сынауығындағы затты құйса, көгілдір тұнба мен газ түзіледі. Егер №1 сынауығындағы затқа №6, №5 жəне №9 сынауықтарындағы заттарды қооса, өзгеріс байқалмайды. Егер №1 сынауығына №3 сынауығындағы ерітіндіні қосса, алдымен ерітінді сұр-қоңыр түске боялып, тұнба түзіледі; кейін осы қоспаға №1 затын артық мөлшерде қоса берсек, тұнба еріп, ерітінді түссізденеді. №1 сынауықтағы зат пен №8 сынауығындағы затты əрекеттестірсе, ақ тұнба түзіледі. №3 сынауығы мен №9 сынауығына арасындағы реакциядан еш өзгеріс байқалмайды. Егер №3 сынауығындағы зат №8 не №5 сынауықтарындағы заттармен əрекеттесіп, ақ тұнба береді. №3 сынауығындағы зат №6 сынауығындағы затпен реакцияласып, ақшыл сары тұнба түзеді. Егер №8 сынауығындағы зат №6 не №9 сынауықтарындағы заттармен əрекеттескенде, еш өзгеріс байқалмайды. Егер №8 сынауығындағы затқа №5 сынауығындағы затты қосса, ақ тұнба мен газ пайда болады. Егер №6 сынауығындағы затты №5 сынауығындағы затқа қосса, өзгеріс байқалмайды. Егер №6 сынауықтағы затына №9 сынауықтағы затын қосса, ерітінді түсі өзгереді. Егер №5 сынауығындағы зат пен №9 сынауығындағы затты өзара араластырса, газ бөлінеді. |