Ақпараттық жүйелер- үлкен көлемді ақпаратты сақтауға, реттеуге және талдауға арналған құралдар кешені
Емханалық қызметтегі ақпараттық жүйелер- «Емхана» порталы медициналық ұйымдардан келген ақпараттарды, оның ішінде балалар мен ересектерге профилактикалық медициналық тексерулер (скринингтер) жүргізу бойынша ақпараттарды сақтау және есеп құжаттарын алу мақсатында «Амбулаториялық науқастың статистикалық картасы» 025-5/у нысанын, «Баланы Профилактикалық Медициналық тексерудің (скрининг) статистикалық картасы» 025-7/у нысанын, «Ересектерге профилактикалық тексерулер жүргізуге арналған амбулаториялық пациенттің статистикалық картасы» 025-8/у нысанын автоматты енгізу және өңдеу үшін тағайындалған.
«Емхана» порталының компоненттері қолданылатын автоматтандыру объектілерінің тізбесі Денсаулық сақтау министрлігін, облыстардың және республикалық маңызы бар қалалардың Денсаулық сақтау басқармаларын, амбулаториялық-емханалық ұйымдарды, консультациялық-диагностикалық орталықтарды, «Республикалық электрондық денсаулық сақтау орталығы» ШЖҚ РМК аумақтық филиалдарын және басқа да мүдделі ведомстволарды қамтиды.
Жүйеге кіру және тіркеу үшін https://www.eisz.kz сілтемесі бойынша Бірыңғай Авторлану нүктесі арқылы жүзеге асырылады.
