Оқытушының жетекшілігімен студенттің өзіндік жұмысы (ожсөЖ) – 45 сағат
жүктеу/скачать 2,88 Mb.
|
| Ажес Петрович Сейтешев Кәсіптік педагогиканың негізін салушы педагогика ғылымдарының докторы, профессор, Қазақстан Республикасы Ұлттық ғылым академиясының академигі, Қазақстан Республикасы ғылыми еңбек сіңірген қайраткер Ажес Петрович Сейтешев 1929 жылы қазан айының 9-ші жұлдызында бұрынғы Гурьев облысы, Еспол ауданында (қазіргі Атырау облысы, Индер ауданы) дүниеге келді. Әке-шешесінен 3 жасында жетім қалған Ажес 1932 жылы Өрлік елді мекеніндегі балалар үйіне тапсырьшады да, сонда 1938 жылға дейін тәрбиеленеді.
Гурьев қаласына өз бетімен келіп, жастайынан жетімдіктің, жоқшылықтың тауқыметін тартады. Соғыс жылдарында Гурьев қаласында әр түрлі мекемелерде слесарлық қызмет атқарады. Соғыс аяқталғаннан кейін 1946 жылы қаладағы қолөнер училищесіне оқуға түсіп, оны 1948 жылы токарь мамандығы бойынша, үздік бітіріп шығады. Сол жылы жолдамамен Ташкент қаласындағы индустриялық педагогикалық техникумға оқуға түседі. Техникумда оқып жүргенінде армия қатарына алынып, 1953 жылға дейін әскери борышын өтейді. Әскери борышын өтеп болғаннан кейін техникумда оқуын жалғастырады. Қырғызстанның Фрунзе қаласына мамандығы бойынша жолдама алады. Фрунзе қаласындағы 3 техникалық училищеде өндірістік оқу шеберінің қызметін атқара жүріп, кешкі политехникалық институтқа оқуға түсіп, оны 1962 жылы уздік дипломмен бітіріп, осы училищеде оқу-өндіріс жөніңдегі директордың орынбасары және директоры қызметін атқарады. Кәсіптік-техникалық училищеде жұмыс атқарған кезінде ол 380 жас жұмысшы кадрларын даярлады, оның түлектерінің бірі Мемлекетгік сыйлықпен марапатталды. 1969 жылдан 1974 жылға дейін Қырғыз педагогикалық ғылыми-зертгеу институтының аға ғылыми қызметкері болып жұмыс істеді. 1975 жылдан 1980 жылдарға дейін жоғарыда аты аталған институттың кәсіптік-техникалық педагогика бөлімін басқарды. 1980 жылдан бастап, Қазақтың ауылшаруашылық институтында инженерлік-педагогикалық факультетінде еңбек етті. А.П.Сейтешев кәсіптік-техникалық училищелерде оқушы жеке тұлғасын кезеңмен қалыптастырудың теориялық тұжырымдамасы негізінде Қырғызстан және Қазақстан мектептерінде оқу-тәрбие үрдісін интенсификациялау бойынша 20 жылдан астам тәжірибе жұмысын жүргізді. 1964 жылы кандидаттық диссертациясын ойдағыдай қорғаса, 1973 жылы болашақ жас жұмысшаларды даярлаудың әлеуметтік-психологиялық жене педагогикалық мәселелері бойынша докторлық диссертация қорғады. Қазақтың ауылшаруашылық институтының кәсіптік педагогика кафедрасының меңгерушісі, профессоры, лаборатория меңгерушісі қызметтерін атқарды. Профессор Ажес Петрович Сейтешев бұрынғы Орта Азия және Қазақстанда, қала берді Ресейде кәсіптік-техникалық педагогика саласында көрнекті маман, ғалым болды. Оның 42 монографиялық еңбегі, 24 оқулығы, 80 кітабы, мыңнан астам ғылыми-әдістемелік мақалалары жарық көрді. А.П.Сейтешев көп жылдар жас болашақ жұмысшы тұлғасын қалыптастырудың тұтас үрдісін зерттеу мәселесімен айналысты. Осы тақырыпта бірнеше монографиялық еңбектері мен кітаптары жарияланды. А.П.Сейтешев Қазақстан Республикасы Ұлттық ғылым академиясының академигі және бұрынғы КСРО Педагогикалық ғылымдар академиясының академигі секілді ғылыми атақтарға ие. Ғылыми зерттеу жұмысының негізгі бағыттары: 1. А.П.Сейтешевтің ғылыми жұмысы кәсіби педагогиканың жан-жақты мәселелерін қамтиды, жоғары мектеп педагогикасының мәселелері, кәсіптік оқытудың психологиялық мәселелері, жастарды кәсіби даярлау жүйесінің ғылыми тұжырымдамасы мен әдіснамасын жасау; кәсіптік бағдар беру жүйесін құрудың әдіснамалық қағидалары; кәсіби педагогикада жобалау зерттеулерінің негізгі бағыттары (жастарды кәсіптік даярлау жүйесінде педагогикалық жобалаудың әдіснамалық негіздері). 2. А.П.Сейтешевтің ғылыми-зерттеу жұмысының негізгі, басты бағыты, болашақ жас жұмысшының жеке тұлғасын тұтас үрдісте қалыптастырудың ғылыми тұжырымдамасын жасау. А.П.Сейтешевтің "Оқушылардың техникалық қызығуын дамыту", "Кәсіптік-техникалық училищенің оқушылар мен жас жұмысшалардың кәсіптік бағыттылығын тәрбиелеу жолдары", "Оқушыларды жұмысшы мамандығына бағдарлаудың педагогикалық негіздері", «Болашақ жас жұмысшының жеке түлғасын қалыптастыру жолдары" жөне т.б. еңбектері мектеп мұғалімдері, кәсіптік-техникалық училищелердің шеберлері мен оқытушылары үшін қолдан-қолға түспейтін кітаптары болып есептеледі. Ол әр уақытта да халықаралық, республикалық аймақтық ғылыми-тәжірибелік конференцияларға, педагогикалық оқуларға белсене қатысып отырды, Фрунзе, Ташкент, Киев, Харьков, Минск, Москва, Свердловск, Алма-Ата, Шымкент және т.б. қалаларда өткен халықаралық конференцияларда ғылыми баяндамалар жасады. А.П.Сейтешев докторлық диссертациясы елімізде кәсіптік педагогикалық негізін салушы, белгілі ғалым, Кеңестер Одағының батыры, КСРО Педагогикалық ғылым академиясының академигі, педагогика ғылымдарының докторы, СЯ.Батышевтің ғылыми жетекшілігімен қорғаған болатынды. № 28 дәріс жүктеу/скачать 2,88 Mb. Достарыңызбен бөлісу:
|