Гераклиттің философиялық афоризмдері

Гераклиттің философиялық афоризмдері:

• Ашуды ауыздықтау қиын: ырқына көнгенің – ажалыңнан бұрын өлгенің.
• Даналықтың жалғыз-ақ мәні – барлық жерде бәрі мойындайтын дәйекті ойды танып-білу.
• Көп нәрсенің сырына жетіктер ғана философиямен айналыссын.
• Ой-сана – адамзаттың ұлы жетістігі, даналықтың мәні – ақиқатты айту һәм табиғаттың үніне құлақ түріп, соған сәйкес әрекет ету.
• Маңызды мәселеде шалағай тұжырым жасама.
• Нәпсіні тыю – ашуды жеңуден де қиын

Пифогордың философиялық афоризмдері:

• Ұйықтар алдында өткен күнде өзіңнің не істеп, не тындырғаныңды ой елегінен бір өткізбей тұрып, көзіңді жұмушы болма.
• Даналық бастауы: ойлануға үйрену, мылжыңдаудан жирену.
• Білімді даналыққа санама.
• Атың өшпей ел аузында жүрсін десең, артыңа өнегелі ұрпақ, жақсы кітап қалдыр.
• Табынар жалғыз тәңірің өзіңнің ар-ұжданың-ақ болсын.
• Өмір театр тақылеттес: онда ең жақсы орынды көбіне-көп ақымақтар алып алады.
• Қасиетсізге құрмет қылу – ессіздіктің белгісі.
• Сөйлемес бұрын ойыңды тіліңнің астында ұстап пісіріп ал.
• Жұрт не десе о десін, өзің дұрыс санаған нәрсені ғана істе.
• Мақтауға тасымай, даттауға жасымай – бір қалыпты салқын қанды бол.
• Үндеме, әйтпесе үндемегеннен гөрі дұрысырақ нәрсені айт.
• Сенімді дос ізде өзіңе, оны тапсаң, құдайсыз-ақ күніңді көресің.
• Ақиқатқа ұмтыл, сонда ғана Құдайға жақындай түсесің.
• Бәрінен бұрын өз басыңның қадірін түсірме.
• Ашу үстінде тіл мен қолыңа ерік берме.