Бактериологиялық зерттеуге «Ашық нәжістен» қоректік ортасы

1. Науқасқа жүргізілетін іс-шараның мақсатын, нәтижесін,алу уақытын түсіндіріп,келісімін алыңыз.

2. Қолды гигиеналық деңгейде жуыңыз, халат,бетперде қолғап киіңіз.

3. Жолдама жазып, журналға тіркеңіз.

4. Жолдаманың нөмеріндей сәйкес қылып пробиркаға стеклографпен нөмір жазыңыз.

5. Науқасты горшокқа отырғызыңыз немесе судно беріңіз.

6. Оң қолыңызбен пробиркадағы ректальді таяқшаны алыңыз.

7. «Ашық нәжістен» жаңа бөлінген нәжісті стерильденген ректальді таяқшамен 3-5 жерінен алыңыз.

8. Петри ыдысының қақпағын жартылай ашыңыз .

9. Петри ыдысындағы қоректік ортаның бетіне мына түрде себіңіз: ректальді таяқшадағы нәжісті бірқалыпты қоректік ортаның бетіне 1,5-2см болатындай етіп «алаң» тәрізді жағыңыз (қоректік ортаны жырып алмай).

10. «Алаңды» қоректік ортаның барлық бетіне стерильденген ректальді таяқашмен жиі параллельді штрих тәрізді жағыңыз,Петри ыдысының қақпағын жабыңыз .

11. Петри ыдысын 37ᵒ температурадағы термостатқа салыңыз.

12. Бикстің «кілтін» жабыңыз.

13. Қолғапты ,бетпердені шешіп, КҚЖҚ-қа салыңыз.

14. Бикстегі алынған материалды жолдамамен бірге бактериологиялық зертханаға жеткізіңіз.

Ескерту!

- нәжісті жинау әртүрлі әдіспен жүргізіледі: унитаздан,горшоктан,жаялықтан,сонымен қатар таяқша арқылы тік ішектен.

- себуге нәжістегі іріңді, кілегейлі, фибринозды жамылғы бар жерлерін алады;

- зертханаға жеткізгенге дейін материалды тоңазытқышта -4ᵒ -6ᵒ С температурада сақтайды;

- нәжісті жинау антибиотиктер мен сульфаниламидтермен емдеуден бұрын жүргізіледі.
Стандарт