«Транстелеком» АҚ қысқаша тарихы

Компанияның тарихы «ҚТЖ»ҰК» АҚ құрылымдық бөлімшесінің 1999 жылы «Транстелеком» АҚ жеке ұйымы болып құрылуынан басталады.Компанияның қызметі сол кездері теміржол секторындағы байланыс жүйесінде техникалық қолдау көрсетуді ұйымдастыру және оны одан әрі жетілдіру болды. 2017 жылға қарай компания ҚР барлық аймақтарын қамтитын жалпы ұзындығы 15 000 км жуық болатын талшықты оптикалық байланыс желісін (ТОБЖ) салды.

Қазіргі кезде «Транстелеком» АҚ АТ, байланыс, автоматика және энергетика аумағында жүйелі интегратор, телекоммуникациялық және цифрлы шешімдерді жеткізуші болып табылады.

ҚР Премьер-Министрі Асқар Мамин мен Әзербайжан Премьер-Министрі Али Асадов Ақтау қаласында өткен Каспий теңізінің түбінде екі ел арасындағы байланыстың талшықты-оптикалық желісін (ТОБЖ) салу бойынша «Trans Caspian Fiber Optic» (TCFO) салуды бастау рәсіміне қатысқан болатын. Жоба трансқұрлықтық бола отырып, Еуропа мен Азия арасындағы цифрлық телекоммуникациялық дәлізді құрады. Каспий теңізінің түбінде ұзындығы 380-400 шақырымға жуық болатын кабель тарту жұмыстарын «Транстелеком» АҚ, «KazTransCom» АҚ және «AzerTelecom» әзербайжан байланыс операторы жүзеге асырады. ТОБЖ 2021 жылдың соңына қарай пайдалануға беріледі, ол кемінде 4-6 терабит/с сыйымдылықпен ақпараттарды жеткізуге мүмкіндік береді.

1.сурет - Алматы қаласындағы басты офисы.