Орақова амангүл шахарбекқызы оқу процесінде оқушылардың шығармашылығын дамытудың педагогикалық шарттары

• оқушылардың өзiнiң жеке қызығушылығын арттыру;

  
  

• мұғалiммен бiрiге отырып, оқу мақсаттарын таңдай бiлуге үйрету;

  
  

• оқушылардың өзiн-өзi тануға және өзiнiң қажеттiлігiн жүзеге асыруға құлшынысын ояту;

  
  

• оқыту процесiнiң гумандылық бағытын мұғалiмнiң ұстана бiлуi;

  
  

• оқушының шығармашылық қабiлетiн дамыту.

  
  

Зерттеу барысында бiз бұл аспектiлердi жеке тұлғаға бағытталған оқыту технологиясы арқылы жүзеге асыруға болады деген қорытындыға келдiк.

1. Оқыту мазмұны аяқталған, дербес, кешендi модульдермен берiледi, модульдер сонымен қатар ақпарат қоры әрi оны меңгертудiң әдiстемелiк нұсқауы болып табылады.

   
   

2. Оқу процесiнде педагог пен оқушының өзара бiрлескен әрекетi де модульдер арқылы iске асырылады, олар әрбiр сабаққа алдын ала дайындалуда белгiлi бiр деңгейге саналы түрде өз бетiмен жетудi қамтамасыз етедi.

   
   

3. Модульдiк оқытудың мәнi: оқу процесiнде педагог пен оқушы арасында субъект-субъектiлiк қарым-қатынас басымдығының қалайда сақталуы талап етiледi.

   
   

Бiздiң пiкiрiмiзше, интерактивтік модульдiк оқытудың құнды жақтары:

• оқыту мақсаттары қол жеткiзген нәтижемен тура келедi;

  
  

• оқу ақпараты жинақталып, блоктармен берiледi;

  
  

• оқу қызметiнiң әркiмнiң өзiне тән жеке жылдамдығы белгiленедi;

  
  

• бiлiм мен бiлiктiлiк әрекеттер кезең-кезеңмен қадағаланады;

  
  

• белгiлi бiр шамада оқытуды жаңаша «технологияландыруға» қол жеткiзiледi.

  
  

Сараптамалық жұмыстарымыз көрсеткендей, интерактивтік модульдiк оқытудың жоғары тиiмдiлiгiне қол жеткiзудiң мынадай дидактикалық шарттарын ескеру қажет:

1. Оқушылардың қызығушылығын, жас ерекшелiктерiн және басқа да жеке тұлғалық қасиеттерiн есепке алып, модульдердi сапалы даярлау, оқу материалының мазмұнын iрiктеп, құру.

   
   

2. Оқыту қызметiнiң барлық кезеңдерiнде оны күшейтуге, қарқындатуға мүмкiндiк беретiн модульдердi бiрiздiлiкпен жүзеге асыру.

   
   

3. Iскерлiк бiлiм, бiлiк пен дағдыларды қалыптастыру.

   
   

4. Қосымша әдебиеттi тиiмдi қолдану.

   
   

5. Бақылауды оқушылардың өзiн-өзi бақылауымен ұштастыру.

   
   

Ол үшін төмендегiдей бiрқатар ережелердi қолдану ұсынылды:

• әрбiр модульдiң алдында жаңа модульмен жұмыс iстеуге даярлығы деңгейiн анықтау үшiн оқушылардың бiлiмi мен бiлiктерiне бастапқы бақылау жүргiзу;

  
  

• әрбiр оқу бөлiгiнiң соңында мiндеттi түрде ағымды және аралық бақылау жүргiзу (өзара бақылау, өзiн-өзi бақылау, жауап үлгiсi бойынша тексеру);

  
  

• модуль аяқталған соң, тұтас модульдiң меңгерiлу деңгейiн көрсететiн соңғы бақылау жүргiзу.

  
  

Сөйтiп, әрбiр оқушы мұғалiммен бiрге оқуды басқара алады. Оқу процесiн саралау да маңызды талаптардың бiрi. Бiз өз қорытындыларымызда тәжiрибелiк жұмыстың байқау нәтижелерiне сүйенемiз. Шынымен де, модульдiк оқытуда әрбiр оқушы белсендi де тиiмдi оқу-танымдық қызметке тартылады, мазмұны сараланған бағдарламамен жұмыс iстейдi. Бұл жерде дараланған бақылау, өзiн-өзi бақылау, түзету, кеңес беру әрекеттерi атқарылады. Сараптамалық тәжiрибе көрсеткендей, бұл жүйе әрбiр оқушының бiлiм беру стандартын меңгеруiне ғана емес, оқытудың шығармашылық деңгейiне көтерiлуiне де кепiлдiк бередi.