Дене жаттығулары дене тәрбиесінің құралы ретінде шұғылданушылардың белсенді қозғалыс әрекетін қамтамасыз етеді. Дене жаттығуларының сапалы сипаты бірқатар мына психикалық қызметтер жиынтығынан көрінеді: жетілдіруге талаптану, оған жетуге деген әрекеттің мақсаты мен құралдары туралы мағлұматы, берілген жаттығуды орындауға деген ықылас пен ерік-жігер күшінің болуы және т.б.
Дене жаттығуларының мазмұны, түрлері және әдістері.
Дене жаттығуларының мазмұны, түрлері және әдістері.
Барлық құбылыстар мен қозғаушы күштердегі сияқты дене жаттығуларының да өзіндік мазмұны мен түрлері болады. Дене жаттығуларының мазмұнына бүтіндей атқарылатын қызметтер жиынтығының қатары кіреді (механикалық, биологиялық, психологиялық және т.б.), яғни олардың әсер етуімен қозғалыс қызметінің қабілетгілігі дамиды. Дене жаттығуларының мазмұнына оның бөліктері (мысалы, ұзындыққа жүгіріп келіп секіруде жүгіріп келу, жерден серпілу, ұшу, жерге түсу кіреді) шешетін міндеттері, сонымен бірге қозғалысты орындау кезіндегі ағзада өтетін қызметтік өзгерістердің барлығы жатады. Осы бөліктердің барлығы дене жаттығуларының мазмұнын құрайды.
