Өшпес бейнең естен мәңгі кетпес

Аянбай күш жұмсадың біздер үшін.

Неше жылғы еңбегің зая кетпей,

Біздерге үлгі болды әрбір ісің.

Болашақтағы жақсылық атаулының барлығы білім арқылы келер болса, онда білім үйретуші – ұстаз. Оның еңбегін ұмыту мүмкін емес. Себебі адамға білім деген қасиетті нәрсені ұқтырушы, білдіруші – ұстаз. Сондықтан ұстазды ұмытпау һәм ұлықтау парызымыз.

Батима Ибрайқызы 1936 жылы Талдықорған облысындағы Октябрь ауданы Көктал селосында дүниеге келген. 1943-44 жылы 1-ші сыныпқа қабылданған. 1949-50 жылы бітіріп, жолдасымен Павлодар облысы, Май ауданы, Орджоникидзе жеті жылдық мектебіне мұғалім болып қызметке тұрады. Содан бері, Қаратерек ауылында тұрады. 1965 жылы Семейдің Н.К.Крупская атындағы мұғалімдер институтына қазақ тілі мен әдебиеті факультетіне түсіп, 1970 жылы бітіріп шығады. Осы мектепте 38 жыл ұстаз болады. Облысымыздың, республикамыздың әр саласында еңбек етіп жүрген шәкірттері өте көп. 1986 жылы зейнеткерлікке шығады. 1980 жылы «Халық ағарту ісінің үздігі» белгісімен марапатталған. Ол - қазіргі таңда қадірлі ана, аяулы әже. Ол өзін бақытты жан деп есептейді. Ұстаздар қауымына, шәкірттеріне алғысы шексіз.алтын ұя мектебімнің құрметті ұстазымын деп ойлайды. Аяулы ұстазымыз ауылымыздың мәдени-экономикалық өміріне қатысып, өзінің үлесін қосып келеді.

Уалиева Майра Уалиқызы

1967 жылы педагогикалық училищені бітірген. Май ауылына жолдама алып, Ақшиман совхозында бастауыш орысша-қазақша мектебі ашылған еді. Осы мектептің директоры қызметін атқарған. 1973 жылы тамызда оқу бөлімімен Май совхозына ауысқан. Сол уақыттан бері зейнеткерлікке шыққанға дейін қызмет атқарған. Алғаш келгенде мұғалімдер толық болғасын, интернатта тәрбиеші болып жұмыс істеген. 1975 жылдан бастап,

2-ші сынып бастауыш сынып мұғалімі болып қызмет етті. 1967 жылы 1-ші сыныпты алған, 1977 жылы осы сынып Ақшиманда оқу бітірген алғашқы түлектері болды.

Майра Уалиқызы «Еңбек ардагері» атағымен марапатталған. Осыдан басқа да марапаттаулары бар.

Оспанова Даметкен

1973 жылдан бастап, Қаратерек ауылындағы орта мектепте орыс тілі мен әдебиеті пәндерінің мұғалімі болып жұмыс істеді. Еңбек ету кезінде әр түрлі әдіс-тәсілдерді қолдана отырып, оқушылардың тіл байлығын дамытуға, сөздік қорын молайтуға көп көңіл бөлген. Оқушыларымен «Тіл дамытуды іс жүзінде асыру» атты мақсатпен Баянауыл жерінде іс-тәжірибесінде болған. Ұстаздың көптеген оқушылары ауданның және облыстың олимпиадаларына қатысып, жүлделі орындарға ие болған. Мысалы, Рахметова Әсемгүл 1993 жылы облыстық олимпиадада 3 орынға ие болды.

1955 жылы 18-ші қыркүйекте Павлодар облысы, Май ауданы, Киров совхозында дүниеге келген. 1972 жылы 10 жылдық мектепті аяқтап, Павлодар педагогикалық институтына физика-математика факультетіне оқуға түседі. 1978 жылы оқуды аяқтап, Май ауданы, Қаратерек жалпы орта білім беретін мектебіне келіп, 1981 жылға дейін физика пәнінің мұғалімі болып қызмет атқарады. 1981-1988 жылдың желтоқсан айына дейін Ақшиман орта мектебінде оқу ісінің меңгерушісі болса,

1986-1988 жылдары мектеп директоры қызметін атқарады. 1989 жылы Қаратерек мектебіне оралып,

2013 жылға дейін үздіксіз шәкірттеріне білім береді.