Өтетін уақыты: 02.11.2017 ж, сағ.10.00-де
(Сахна тақырыпқа сай безендірілген.) С.Жалмышев туралы бейнебаян көрсетіледі. («Сарыарқа» күйімен сахнаға жүргізуші шығады)
Жүргізуші: Қайырлы күн, ардақты жамағат!
Жүргізуші: Армысыздар, қадірменді өнер сүйер қауым!
Жүргізуші: Дәулескер күйші Сағын Жалмышев атындағы республикалық байқауға қош келдіңіздер! Бүгінгі сайысқа қатысушылар қазақтың көрнекті композиторлары мен күйшілерінің туындыларын орындап, өз өнерлерін ортаға салады. Байқауға өз кәсіби деңгейін шыңдауға 24 үміткер қатысқалы отыр. Жүргізуші: Қазақ халқының басқа халықтардан ерекшеліктерінің бірі – ол өзінің ұлттық музыкасының болуы. Атадан балаға жеткен асыл мұра көзінің қарашығындай сақталып, қымбат қазынаға айналды. Қаймағы бұзылмай жеткен бұл өнердің бір шыңы – домбыра күйлері. Бұл мұра ғасырдан-ғасырға іріктеліп, сұрыпталып, сүргіленіп, түрленіп жеткен халықтың өзімен бірге дамып, қалыптасып отырған. Бастауы әріден келе жатқан бұл күйшілік дәстүрдің бүгінгі ұрпаққа жеткен үлгілерінде мазмұндық тереңдік, орындаушылық шеберлік, рухани даралық, көркемдік құндылықтар айқын байқалады.
Жүргізуші: Сөз Қостанай облысының Құрметті азаматы, облыстық ардагерлер Кеңесінің төрағасы Укин Кенжебек Үкіұлына беріледі.
(Қостанай облысында алғаш рет өткізілген домбырашылар сайысының ашылу салтанатында облыстық ардагерлер кеңесінің төрағасы Кенжебек Үкіұлы Үкин сөз алып, қатысушыларды құттықтап, сәттілік тіледі).
Жүргізуші: Сөз Қостанай облысының Құрметті азаматы, облыстық