Оңтүстік Қазақстан мемлекеттік фармацевтика академиясы Терапия бакалавриат кафедрасы «бекітемін»
жүктеу/скачать 0,8 Mb.
|
vdm mpd kz
| Көкірек қуысын пальпациялау
Пальпация әдіс ретінде келесі жағдайларда: 1) қарау кезінде анықталған, кейбір мәліметтерді, әсіресе көкірек қуысының формасын, оның өлшемін, тыныс алу қозғалысының көлемін нақтылағанда; 2) көкірек қуысы аймағындағы жергілікті немесе жайылмалы ауырсынуларды анықтауда; 3) оның серпімділігі мен резистенттілігін бағалағанда; 4) дауыс дірілін, плевраның үйкеліс шуын, крепитацины, тері асты эмфиземаны анықтағанда жүргізіледі. Перкуссия Перкуссия (percussІ)o) – дене бөліктерін соққылаудан және осы кезде перкуссияланатын мүшелер мен тіндерден шығатын дыбыстың орналасқан орнына, физикалық қасиетіне (негізінен оның тығыздығына, ауалануына, серпімділігіне) қарай анықтаудан тұратын науқасты тексерудің объективті әдісі. Қазіргі таңда бүкіл әлем, орыс ғалымы Т.И.Сокольский 1835ж. ұсынған саусақпен саусақты соққылау әдісі бойынша перкуссиялау кеңінен таралған. Плессиметр ретінде сол қолдың ортаңғы саусағы, ал соққылауды оң қолдың ортаңғы саусағы қалданылады. Перкуссияның бұл әдіс өзгерісті тек қана дыбыс арқылы естіп қана қоймай, сонымен қатар саусақ - плессиметр көмегімен де сезеді. Дене бөліктерін соққылағанда сәйкес ортаның тербелісі туындайды. Осы тербелістер бөлігінің дыбысты есту сезімімен қабылданатын жиілігі және амплитудасы болады, жоғары жәнетөмен перкуторлы дыбыстарды ажыратады. Перкуторлы соққылау күшіне қарай қатты, жай және өте жай перкуссия деп ажыратады. Мақсатына қарай перкуссияның екі түрін: топографиялық және салыстырмалы деп ажыратады. Топографиялық перкуссиямен мүшелер мен түзілістердің шекараларын және өлшемін анықтайды. Салыстырмалы перкуссияның мақсаты өкпенің симметриялы бөліктеріндегі, плевра қуыстарындағы, құрсақ қуысындағы патологиялық өзгерістерді анықтау. Өкпе перкуссиясын науқастың қалыпты вертикалды (тұрған не отырған күйінде) жүргізген ыңғайлы. Оның қолдары төмен түскен немесе тізесіне қойылған болуы тиіс. Оны салытырмалы перкуссиядан бастаған жөн және оны мына кезеңділікте жүргізу керек: бұғана үсті аойығы; 1-2 қабырға аралықтың алдыңғы беткейі; бүйір беткейлері (науқастың қолы басының артына қойылады); артқы беткейі – жауырын үсті аймағынан, жауырын аралық кеңістікте және жауырын бұрышынантөмен жүргізіледі. Салыстырмалы перкуссия көмегімен перкуторлы дыбыстың сипатын және оның көкірек қуысындағы симметриялы бөліктердің біркелкілігін анықтауға болады. Көкірек қуысының перкуссиясы перкуторлы дыбыстың үш негізгі түрін береді: ашық өкпелік, тұйық, тимпаникалық. Ашық өкпелік дыбыс көкірек қуысындағы өзгермеген өкпе тінінің үстінен перкуссиялағанда естіледі. Өкпе дыбысының күші мен биіктігі жасқа, көкірек қуысының формасына, бұлшықетінің дамуына, тері асты май қабатының биіктігіне қарай өзгереді. Тұйық дыбыс көкірек қуысына паренхиматозды мүшелер – жүрек, бауыр, көкбуаыр жанасқан жердің бәрінде естіледі. Патологиялық жағдайда ол өкпе тінінің ауалылығының төмендеуінде не мүлдем жойылғанында, плевраның қалыңдауында, плевра қуысына сұйықтық жиналғанда естіледі. Тимпаникалық дыбыс көкірек қуысында ішінде ауасы бар қуыс болса естіледі. Қалыпты жағдайда ол тек сол жақта төмен алдыңғы жағынан, яғни Траубенің жарты ай тәрізді кеңістігінде, көкірек қуысына ауа көпіршігімен асқазан жанасқан жерінде ғана естіледі. Патологиялық жағдайда тимпаникалық дыбыс плевра қуысында ауа жиналғанда, өкпеде ішіне ауа толған қуыс пайда болғанда (абсцесс, каверна), өкпе тінінің серпімділігіжоғалған кездегі өкпе эмфиземасында естіледі. Топографиялық перкуссия мақсаты өкпенің шекараларын: өкпе ұшының биіктігін, төменгі қырларының жағдайы мен олардың қозғалғыштығын анықтайды.
жүктеу/скачать 0,8 Mb. Достарыңызбен бөлісу:
|