Оқу әдістемелік кешен типтік оқу бағдарламасы негізінде құрастырылған

Кез келген теңдеулер жүйелерін шеше білу үшін оқушылар бағдарламада қарастырылған барлық теңдеулерді шеше білуі тиіс, жалпы теңдеулерді шеше білген оқушы теңдеулер жүйесін шешуде көп қиналмайтын болады.Сондықтан теңдеулердің барлық түрлерін шеше білу теңдеулер жүйелерінің кез келгенін шешудің алғаш шарттары болып табылады. Бұл қағида оқушылар ұғымына терең сіңірілуі керек.

Теңдеулер жүйелері жалпы түрлеріне қарай алгебралық және трансценттік, графиктеріне қарай сызықтық және сызықтық емес болып екіге бөлінеді.

Екі айнымалысы бар сызықтық теңдеулер жүйелерін шешудің әдіс-тәсілдері VII- сынып алгебра оқулығында толық қарастырылған: а) жүйедегі теңдеулермен айқындалатын түзулер қиылысса, жүйенің бір ғана шешімі болатындығы; ә) түзулер параллель болса, жүйенің шешімі болмайтындығы; б) түзулер беттессе, жүйенің шексіз көп шешімі болатындығы; в) сонымен бірге теңдеулер жүйесінің әрбір теңдеуін функция түрінде қарастырғанда, бұрыштық коэфиценттері бірдей болмаса, жүйенің жалғыз; г) егер жүйедегі екі теңдеу бір ғана функцияны айқындаса жүйенің шексіз көп шешімі болатындығы; д) коэфиценттері бірдей болса, жүйенің шешімі болмайтындығы оқулықта толық қамтылған.

Мектеп бағдарламысындағы сызықтық теңдеулер жүйесін шешудегі ауыстыру, қосу тәсілдері жоғары математикада белгісізді біртіндеп шығару немесе Гаусс әдісі деп, ал графиктік тәсіл геометрикалық әдіс деп аталатындығын, яғни осындай арақатынастарды оқушыларға ескерте кету орынды болмақ.

Біреуі екінші дәрежелі, ал екіншісі бірінші дәрежелі екі айнымалысы бар екінші дәрежелі теңдеулер жүйелері IX-сыныпқа арналған «Алгебра» оқулығында қарастырылып, оларды шешудің графиктік және ауыстыру тәсілдері қамтылған.