Желтоқсан айында аудандық «Жарқын болашақ» олимпиадасына төрт оқушы қатысып, «Сөз шеберлері» аталымы бойынша 7-сынып оқушысы Темірхан Аружан І орынды, «Әнші бұлбұлдар» аталымы бойынша 9-сынып оқушысы Кешуова Ұлжан ІІ орынды иеленіп, Темірхан Аружан облысқа жолдама алып, мақтау қағазымен марапатталды.
5-9-сынып оқушылары қазан айында республикалық «Ақ бота» интеллектуалдық сайысына қатысып, 5-сынып оқушылары Аманжол Олжас пен Маратова Алуа, 9-сынып оқушысы Жақсылық Ақгүл ІІІ орынға иеленіп, дипломмен марапатталды. Педагогикалық кеңесте «Балалардың тілін, есте сақтау қабілеттерін дамытуда мнемотехника әдісінің тиімділігі» тақырыбында баяндама оқылды.
Сонымен, оқушылардың жеке басының ерекшелігін ескере отырып, таным белсенділігін арттыру, оқытудың жаңа әдіс-тәсілдерін қолдану арқылы баланың дүниеге көзқарасын қалыптастыруға жол ашу, оқушылардың шығармашылық қабілетін дамыту мақсатында жұмыс істеу – ұстаздың міндеті. Өйткені болашақ данышпандарды тәрбиелейтін, дарындыларды өмірге әкелетін, таланттың талабын танытатын, бұлақтың көзін ашатын, ұстаз екендігіне дау жоқ. Сол себепті оқу мен тәрбиені бала бойына қатар сіңіруде аянбай еңбек ету керек.
