Сабақтың бақылауынан кейінгі рефлексия
1. Сабақтың бақылау парағындағы барлық негізгі сәттерді талқылау басталғанға дейін белгілеу.
2. Сабаққа қатысқаннан кейін тікелей бақылауды белгілеуге болады.
3. Сабаққа қатысу қорытындысы бойынша талқылау өткізу. Талдау сабақ/сабақ үзіндісінің оң аспектілерінен бастау қажет және одан кейін сабаққа дайындалу кезінде ескеру маңызды сәттерді атап өту қажет. Мұғалімнің жеке қасиеттеріне емес, сабақтың табысты немесе керісінше, үлгермеген нәтижелерінің дәлелдемелеріне назар аудару қажет.
4. Талқылау кезінде барлық белгіленген сәттерді маңызды бөлшектерді жіберіп алмау үшін жазып отыру ұсынылады.
5. Талқылау кезінде мұғалімге кері байланыс беру үшін сабаққа негізгі түсініктемелер беру керек.
6. Сабаққа қатысты кері байланыс барысында, ең алдымен, мұғалімге ол өткен сабақ бойынша не ойлайды, яғни сабақта жақсы өтті және тиімді оқыту үшін не жақсартуға болады деген сұрақ қойыңыз.
Мұғалім өз пікірін білдіргеннен кейін, сабақтың оң сәттерінен бастап, жақсартуға болатын немесе қажет болған сәттерді талқылаумен диалогті жалғастыра отырып, кері байланыс беру қажет.
Сабақтарды бақылау оқу пәндерін оқыту практикасын жақсарту, мұғалімнің кәсіби өсуі мен дамуы, сондай-ақ білім алушылардың білім сапасын арттыру үшін негіз болуы тиіс. Сабақтарды бақылау нәтижелері педагогикалық кеңестердің отырыстарында ұдайы тыңдалуға тиіс.
Достарыңызбен бөлісу: | 
