Шөлейт және шөлді аймақтарда науқас адамдарды құмбұлауға түсіру арқылы емдеді. Ал қыс кезінде оларға тұз және шипалы шөп тұнбалары қосылған жылы су ванналарын қабылдау ұсынылды. Қазақ емшілері аурудың бірқатар түрін жаңадан сойылған қой, ешкі, бұзау немесе құлынның жас терісіне бұлауға түсіру арқылы емдеді. Қазақтар тұзды көлдер мен минералды су көздерінің - арасандардың емдік қасиетін ерте замандардан бері жақсы білген. Ондай ем қабылдағандар көптеген буын ауруларынан, сыртқы және ішкі дерттерден құлантаза айығып кететін.
Емшілер қан қысымының артып кетуі кезіндегі бас ауруын қан алу арқылы емдеген. Олар сүлік салу тәсілдерін де жақсы игерген. Жарақат алған адам жарасының қанын тоқтату және жараның күшейіп, асқынып кетпеуі үшін дезинфекция ретінде оған таза күл себуді немесе киіз күйдіріп басуды да кеңінен пайдалана білген.
Халық емшілерінің қолынан босана алмай жатқан ананың нәрестесін шешесінің ішін тіліп алу да, сөйтіп ана мен баланы аман алып қалу да келген. Кәнігі сынықшылар адамның іс жүзінде шығып кеткен немесе сынып қалған жіліктерінің, бұғанасының, тіпті жамбасының кез келген сүйегін орын-орнына қайта сала алған. Психикалық дерті барларды бақсы-балгерлер емдеген.
Наурыз - жыл басы, Жаңа жыл. Шығыс халықтарының көктемгі күн мен түн теңелгендегі мерекесі. Ол ежелгі заманнан бері наурыздың 21-інен 22-сіне қараған күні тойланып келеді.
Достарыңызбен бөлісу: |
