11.10.4. Тарының сорттары жəне стандарттау Қазақстанның Батыс аймақтарында тарыны астық өндірісіндегі
брендке айналдыруға болады, өйткені бұл дақыл амилопектинді
крахмалға бай. Тарының осы ерекшелігіне қарай оны тамақ, тоқыма,
қағаз, тау-кен жəне металлургия өнеркəсіптерінде кеңінен қолданады.
Жергілікті жерде өндірілетін тарының құрамындағы амилопектинді
крахмалдың мөлшері 75-78 пайызға дейін жетеді. Тарының осындай
сорттарынан өндірістік масштабта крахмал өндіруге болады.
Қазақстанда «тары атасы» атанған Ш. Берсиевтің 125 жылдығына
орай 2006 жылы тарының жаңа сорты «Памяти Берсиева» шығарылды.
2009-2011 жылдары «Памяти Берсиева», «Яркое 3» жəне «Яркое 5»
атты тарының жаңа сорттары Қостанай, Қарағанды, Павлодар, Алматы
облыстарында кеңінен егістік алқаптарында қолданыла бастады.
Қазақстандағы селекциялық жетістіктер реестріне осы дақылдың
10 сорты енгізілген, соның ішінде 3-еуі ақтөбелік селекционерлердің
жетістіктері.
Еліміздің аймақтарында, егістік алқаптарында жиі кездесетін
216
тарының жаңа сорттарына: Шортандинское 10 (2009), Шортандинское
11 (2011), Саратовтық 10 (2006), Павлодарлық (2011), Аружан (2007)
жəне тағы басқалар енеді.
