53-сурет. Микоплазмалы ауру белгілері
Микоплазмалар өсімдіктің тек қана тірі ұлпаларында, түйнек- те, тамыр-жемісте, пиязшықта, тамырда, көпжылдық шөптердің тамырында сақталады. Насекомдар мен арамшөпте микоплазмалар ұзақ уақыт сақталады. Столбур қоздырғышы шырмауықта сақта- лып, кейін насекомдар арқылы қызанақ пен картопқа көшеді. Бұл ауруларды электронды микроскопты қолдану жəне сыртқы белгі- лері арқылы анықтауға болады. Сонымен қатар микоплазмамен залалдануды индикатор өсімдіктерін қолдану əдісі жəне аурудың белгілері арқылы да анықтауға болады.
Микоплазмалар өсімдік шырынымен таралмайды, сондықтан талдау жасағанда залалданған өсімдіктің жоғарғы ұшындағы бұта- ғын индикатор өсімдікке будандастырады. Сонымен қатар микро- биологиялық əдісті де қолданады. Ол үшін қоздырғышты таза культураға бөліп шығарып, онымен өсімдікті залалдайды. Сыртқы
белгілері білінген соң қоздырғышты қайта таза культураға шыға- рады. Тетрациклин антибиотиктерінің əсерінен де қоздырғышты байқауға болады.
Достарыңызбен бөлісу: |
