Гоммоз. Ауру қоздырғышы – Xanthomonas campestris pv. mal- vacearum Young et al. (Xanthomonas malvacearum Dowson) бакте- риясы (96-сурет). Қоздырғыш мақтаға бейімделген. Бактерияның дамуына қолайлы температура 26-28°С. Оның төменгі даму температурасы 10°С. Паразит төмен (-28°С) жəне жоғары (+72°С) температураларға өте төзімді. Деректер бойынша мақта талшығын аталған жоғары температура ұзақ уақыт (36 сағат) қыздырғанда, паразит тіршілігін сақтайды. Ылғалы мол топырақта жəне суда бактериялар басқа микроорганизмдердің əсерінен тез жойылады. Вегетация кезеңінде ауру қоздырғышы желмен, ұлпаның майда бөліктерімен, шырыштың қатқан қабыршақтарымен таралады. Жа- уын-шашын немесе мол шық əсерінен бактериялар өсімдікке қай- та леп саңлауы арқылы еніп, оны залалдайды. Ауру қоры – тұқым мен сүректелген өсімдік қалдықтары.
