Оқулық Қазақстан республикасы білім және ғылым министрлігі алматы, 2014 Ә. Ізтаев, К. Б. Байболов
Астық дақылдары жапалағының технологиясы
жүктеу/скачать 16,75 Mb. Pdf көрінісі
|
(K)Ізтаев Ә. Жарма және жарма концентраттары технологиясы
| 5.11 Астық дақылдары жапалағының технологиясы
Жапалақтарды арпа, сұлы, жүгері, бидай, күріш жармаларынан алады. Қосымша ГТ өңдеуден өткен жармадан жапырып алынған жапалақтың, ірі жармамен салыстырғанда, тұтынушылық қасиеті және тағамдық құндылығы жоғары болады; аспаздық өңдеу мерзімі азаяды, белок және углеводтардың сіңімділігі артады. “Геркулес” жапалағын алудың технологиялық сұлбасы 63суретте көрсетілген. 63-сурет . Сұлы жапалағының технологиялық сұлбасы 151 Сұлы жармасының жоғарғы немесе 1ші сұрыпы паддимашинада екі рет тексеріледі, себебі жапалақ алуда қауыздалмаған дәннің мөлшері шектелген. Содан кейін жарманы желдетіп ылғалын 2…3%ға көтеру үшін және жарманың иілгіштігін арттыру мақсатымен жарманы булайды. Қорапта аз бөктіріп, валец беттері жылтыр валцелі станокта жапырады. Валецтің жылдамдығы 2,0…2,5 м/с және жылдамдықтарының қатынасы 1,0. Жапалақтың қалыңдығы 0,5 мм көп болмауы қажет. Жапалақтарды алу үшін сұлы жармасының жоғарғы немесе 1сұрыпын паддимашинада екі рет тексеріп, ажарлап, №08 електе елеп ұнтақты алады, ал сырғыманы – жарманы екі фракцияға бөледі (ірі жарма – 2,5х20/1,8х20, майда жарма – 1,8х20/08), оларды желдетеді, содан кейін жеке ГТ өңдеуден өткізіп, «Геркулес» алғандай жапалақтайды. «Экстра» жапалағын алатын үдеріс күрделі болады. Астықты бірнеше рет тазалаудан өткізіп, екі фракцияға бөледі, қарқынды ылғалдағышта ылғалдап, аз уақыт бөктіріп, ортаға тепкіш қауыздағышта қауыздайды. Қауыздаудан кейін желдетіп, түгін алу үшін ажарлайды, паддимашинада сұрыптайды. Екі фракцияны қосып гидротермиялық өңдеуден өткізеді: 0,7 МПа қысымда 100 ° С жарманы қыздырып, ылғалын 3…4%ға өсіреді; жарманы кептіреді. Кепкен ядроны ажарлайды, желдетеді, шағылғанын бөлу үшін қарамықша бөлгіш триерден өткізеді. Осылай дайындалған сұлы жармасын жарма кескіште кеседі, 2,5х20 електен өтіп 08ден өтпеген фракцияны қосымша желдетіп, қайталап 0,7 МПа қысымда булайды. Жарманың ылғалы 18%ға, ал температурасы 80…100 ° С жетеді. Мұндай жарманы жанышқанда жіңішке жапалақ шығады, оның қалыңдығы 0,2 мм аспауы қажет. Жапалақты кептіреді, елеп, желдетіп, пакеттерге салады. Барлық жапалақтардың ылғалы 12%дан аспауы қажет. “Геркулес” жармасын пісіру ұзақтығы 20 мин., жапырақты жапалақтарды – 10 мин., ал “Экстра” – 15тен 5 минут. жүктеу/скачать 16,75 Mb. Достарыңызбен бөлісу:
|