Қай талқы құл алдына құрылмаған,
Қастықпен қай күнің бар құбылмаған, -
деп келетін Абайдың алғашқы ариясы үш бөлімнен тұрады. Ре бемоль минор тональдігінде басталған ария ортаңғы бөлімінде до диез минорға өтіп, репризасында қайтадан негізгі тональдікке оралады.
Екінші суретте композиторлар Абайдың өз әнін қолданған. Ол куплеттік формада беріліп, бірнеше рет қайталанған:
Абайдың келесі ариясы 2 актыда кездеседі. Ол да үш бөлімді, репризасы шағын. Мұның жанында Абайдың 4 актыдағы ариясының музыкасы да, мазмұны да көркем әрі маңызды. Операдағы Абай бейнесін сомдаған жеке нөмірлердің ішіндегі ең көркемі осы ария.
Мұны ақынның халықпен сырласуы десе де болады:
Ей, халайық, барым ең сен,
Зарыңа зар қосып ем.
Жатың емес, досың ем мен,
Дос бейілін тосып ем! -
деп басталатын арияның драматургиялық қуаты басым.
Достарыңызбен бөлісу: | 
