Оқулық Түркістан 022 ӘОЖ
жүктеу/скачать 7,9 Mb. Pdf көрінісі
|
18.08.2022-biohimiya-2-b-lim-okonchat.-variant-1
| Магний (Mg) -
организмде мөлшері жағынан екінші орында тұрған клеткаішілік катион. Магний сүйек тіндері құрамындағы минералды заттардың негізгі құрам бөліктерінің бірі болып табылады. Магний сүйектің өсуіне қолайлы жағдай жасайды, жүрек ритмін қалпына келтіреді, қан қысымын төмендетеді, қандағы қанттың мөлшерін реттейді, бұлшықеттің тартылуын жояды, буындардың ауырсынуын басады. Организмдегі магний мөлшерін қалыпты деңгейде ұстау арқылы - ұйқысыздық, стресс, депрессия сияқты проблемалардан құтылуға болады. Магний организмнен токсиндер және ауыр металдар тұздарының шығарылуына ықпал ету арқылы, мидың қызметіне жағымды әсер етеді. Сонымен қатар, магний организмнің барлық тіндері мен клеткаларының құрам бөлігі болып табылады. Сондықтан, жаңа клеткалардың пайда болуына; жүрек- қан тамыры жүйесінің жұмысына; жүйке – жүйесін нығайтады; мидың жұмысына; асқорытуға; бүйректің дұрыс жұмыс істеуіне; энергия алмасудың дұрыс жүруіне; сүйек, тістің түзілуіне және берік болуына; бұлшықеттің жұмысын және тонусын сақтайды. В тобы және С дәрумендерінің сіңірілуін активтейді. Кальцидің қалыпты мөлшерін сақтап тұруға қатысады. Организмге магний жетіспегенде: 1. депрессия, мазасыздықтың жоғарылауы, тез шаршау; 2. физикалық және психологиялық шаршау, ұйқысыздық; 3. артериальды, бас сүйегі ішілік қысымның теріс өзгеруі: 4. жүрек-қан тамыры жүйесі жұмысының бұзылуы; 5. асқазанның өткір ауырсынуы, іш өту; 6. бас айналуы, көздің қарауытып көз алды жыбырлауы;. 7. зейіннің нашарлауы, еске сақтау қабілетінің төмендеуі; 8. бұлшықеттің құрысуы, , аяқ – қолдың ұиуы; 9. үздіксіз бастың ауыруы, мигрень; 10. метео-тәуелділіктің пайда болуы; 11. тіс тіндерінің бұзылуы, кариес, тістің түсіп қалуы; 12. шаштың түсуі және сыңғыш болуы; 358 Магний концентрациясының жоғарылауы, құрамында магний бар препараттарды мөлшерден тыс пайдаланғанда орын алады. Бұл кезде, жүрек алыну, іш өту, селсоқтық және жүрек ритмінің өзгеруі байқалады. Магнидің тәуліктік қажетті мөлшері: 20 -40 жастағы ерлер үшін – 400 мг, 40 жастан кейін - 420 мг; 20 - 50 жас аралығындағы әйелдерге – 300 мг, 50 жастан үлкендерге 280 мг. Магний - жаңғақ, жержаңғақ, күнжіт, тұқымдар, кальмар, жұмыртқа, көк өністерде, цитрустарда және атбас бұршақтар, жасымық, жармалар - қарақұмық, сұлы жармасы, тары, інжу арпа, банан, асқабақ, кебек және какао, теңіз орамжапырағы, теңіз балықтары және жаңа сүт өнімдері құрамында болады. жүктеу/скачать 7,9 Mb. Достарыңызбен бөлісу:
|