И.В. Гётенің «Балықшы» балладасында адам мен табиғат арасындағы қарым-қатынас тақырыбы өрбітілген. Баллада нәзік лирикалық мағынаға қарағанда басым драмалық мәнге ие. Неміс жазушысының баллада құрылымына енгізген өзіндік өрнегі негізінде балладаның қарапайым сюжеті философиялық терең мағынада көрсетіліп, Балықшы мен Су перісі арасындағы оқиға, тылсым тыныштық пен тынымсыз дауыл, адамзат пен табиғат күші арасындағы қарама-қайшылық астарлы түрде шынайы бейнеленген.
