Созылмалы коронарлық жетіспеушілік – тұрақты стенокардия. Этиологиясы және бейімдеуші факторлар жоғарыдағыдай (МИ)
Клиникасы: төс артында сығып ауырсыну болады, иррадиациясы-сол жаққа, ұзақтығы 5-10 мин, әрі кетсе 20-30 мин, нитроглицериннен басылады (нитроглицерин тәж артерияларын кеңейтеді).
Ишемия – миокард қажеттілігімен ( оттегі, қоректі заттар) қанайналым мумкіншілігі арасындағы сәйкестігінің бұзылуы.
Диагностикасы: ЭКГ.
Жедел жүрек жетіспеушілігі синдромы
Сол қарыншалық жетіспеушілік – жүрек астмасы сол жақ қарыншаның жиырылу қызметінің кенет төмендеуіне байлынысты дамиды (оң жақ қарынша қызметі сақталады). Бұл кезде өкпе тамырлары қанға толып, тыныс орталығы тітіркеніп – тұншығу пайда болады. Кенет тұншығу – негізгі белгісі. Науқас ортопноэ қалпында болады, жөтел, цианоз, салқын тер басады. Пульс жиі, әлсіз, ырғақсыз болуы мүмкін. Жүрек тондары тынық, «шоқырақ» ырғағы анықталады. Өкпе үстінен ұсақ көпіршікті ылғалды сырыл естіледі.
Қан плазмасының альвеолаларға өтуіне байланысты тұншығу және жөтел күшейеді, тыныс бүлкілдейді, көп мөлшерде қызғылт-күлгін (қан араласуына байланысты) қақырық бөлінеді. Өкпе үстінен әр түрлі калибрлі ылғалды сырылдар көбейеді. Бұл жағдай өкпе шемені деп аталады.
Достарыңызбен бөлісу: |
