Іштің алдыңғы қабырғасының аймақтары және оларға тән мүшелері

Шағымдары: Ішек ауруларында негізгі шағымдар: ішек бойының ауырсынуы, метеоризм, ішектің қимылдауының бұзылыстары (іш қату және өту), ішектен қан кету.

- тамақ қабылдауымен байланысы аса жоқ

- үлкен дәретке отыруға байланысты болады, олар не дәретке отырған мезгілде, не отырмас бұрын, не дәреттен кейін болады

- ішек аурулары дефекациядан кейін газ, кеткеннен кейін анағурлым бәсенсиді, не қойып кетеді.

Ішектің ауырсынулары ұстамалы түрде болады, өте тез пайда болып, кенеттен тез жойылып кетеді, ауырсынудың орны ауырған ішектің орнына сәйкес келмейді, бірақта көбінесе кіндік түбінде болады, ішектің қабынуында ауырсыну сыздаған, ұзақ уақытқа созылатын болады. Іш пердесі қабынған кезде, іштің бұлшық еттері тітіркеніп жиырылады.

Ауырсынудың орналасуы:

• 
  Оң жақ мықын аймағындағы ауырсыну - аппендицитте, ішек туберкулезінде, соқыр ішектің қабынуында/тифлит/, аналық бездердің қабынуында болады.
  
• 
  Кіндік аймағындағы ауырсыну - ащ ішек және көлденең орналасқан тоқ ішектің қабынуында болады.
  
• 
  Сол жақ мықын аймағындағы ауырсыну ішектің түйілуінде және қийма тәріздес ішектің қабынуында болады /сигмоидит/.
  
• 
  Шат аймағындағы ауырсыну, әсіресе дефекациямен байланысты тік ішектің ауыруларын және қатерлі ісігін, геморройды, проктитті, тік ішек тілмесін білдіреді.
  

Метеоризмнің себептері:

• 
  тамақ пен газ жүруге кедергілер (ішек ісігі, тонусының төмендеуі, инвагинациясы, оралуы, айналып кетуі)
  
• 
  көп мөлшерде өсімдік клетчатка қабылдағанда /бұршақ, капуста, фасоль, горох/
  
• 
  ішек қабырғасының газ сіндіру процесстерінің төмендеуі
  
• 
  аэрофагия - өте көп ауа жутып жіберу
  
• 
  истериялық метеоризм - психиканың өзгеруіне байланысты.