Пациентті клиникалыќ тексеру єдістері
Жүректің шартты тығыздығын анықтау
жүктеу/скачать 225,84 Kb.
|
Пропед.дәрістер
- Бұл бет үшін навигация:
- Жүректің оң жақ шекарасын анықтау.
- Жүректің сол жақ шекарасын анықтау .
- Жүректің жоғарғы шекарасын анықтау .
- Жүрек аускультациясы.
| Жүректің шартты тығыздығын анықтау. Жүректің шартты тығыздығы - жүректің ақиқат көлемі. Перкусия қабырға аралықтар бойы жүргізіледі. Саусақ – плесиметр анықталатын шекараға паралельді орналасу керек, өкпе ұлпасынаң жүрекке қарай тықылдату әдісімен анықталады, өкпе дыбысы төмендеп, шала тұйық дыбыс естілген жерде шекара белгіленеді.
Жүректің оң жақ шекарасын анықтау. Ол үшін оң жақ өкпенің төменгі шегін (бауырдың жоғарғы шегі) анықтайды, ол қалыпты жағдайда V қабырғада орналасқан, одан кейін плесиметр саусақты бір қабырғаға жоғары жылжытып, оны жүрек шегіне паралельді (қабырғаға перпендикуляр) орналастырады. Плесиметр - саусақты жылжытып отырып өкпе дыбысының төмендеген жеріне дейін келеді, қалыпты жағдайда бұл жүректің оң жақ шекарасы болып төстің оң жағында IV қабырға аралықта 1см сыртқа қарай орналасады. Жүректің сол жақ шекарасын анықтау. Сол жақ шекараны жүрек ұшы орналасқан қабырға аралығы бойынша анықтайды, оны пальпаторлы табады. Жүрек ұшы соққысы табылмаған жағдайда сол жақ шекті V қабырға аралығы бойынша анықтайды. Перкусияны алдынғы қолтық сызығынан бастап тынық дыбыс пайда болғанға дейін жеткізеді. Бұл нүкте жүректің сол жақ шекарасы болады, қалыпты жағдайда сол жақ V қабырға аралықпен бұғана ортаңғы сызықтан төске қарай 1-1,5см аралықта орналасады. Жүректің жоғарғы шекарасын анықтау. Жоғарғы шекараны анықтау үшін бұғанадан бастап, сол жақ төс жанындағы сызығы бойымен төмен қарай перкуссиялайды. Тынық дыбыс анықталған нүкте жоғарғы шекара болып естептеледі. Қалыпты жағдайда сол жақтағы ІІІ қабырғаның жоғарғы шетінде орналасқан. Жүректің шекарасы әр түрлі аурулардың әсерінен өзгеруі мүмкін, мысалы: жүректің ревматизмі, миокардит, перикардит, жүрек гипертрофиясында және т.б. Жүрек аускультациясы. Жүрек аускультациясы жүрек қызметі кезіндегі оның әр бөлшегінің тербелісінен туатын дыбыстарды тыңдауға негізделген. Жүректі тыңдаған кезде аускультацияның жалпы ережелерін мұқият түрде сақтау керек: Жүректі пациенттің әр түрлі қалпында: тұрғанда, отырғанда, жатқанда тыңдау керек, өйткені, жүрек ақауларының әр түрінде пайда болатын дыбыстар науқастың тек бір қалпында жақсы естіледі де, басқа қалпында нашар естіледі. Мысалы, митральды стенозда болатын диастолалық шу науқас сол жақ бүйірінде жатқанда жақсы естіледі. Перикард үйкелесінің шуы науқастың алға енкейіп отырған күйінде жақсы естіледі. Тыныс дыбыстары кедергі тудырмас үшін жүректі тынысты тоқтатыпта тыңдау керек. Сау адамдарда жүрек аускультациясында жақсы екі тон естіледі: бірінші тон систола кезінде пайда болады - систолалық тон, екінші тон диастолада - диастолалық тон. Екі тонда жүректің барлық аймақтарында естіледі, бірақ әр жерде әр түрлі естіледі, соңдықтан жүректі тыңдағанда әр қақпақшаны өз проекциясында тыңдау керек. жүктеу/скачать 225,84 Kb. Достарыңызбен бөлісу:
|