СҰЛТАНМАХМҰТ ТОРАЙҒЫРОВ
(1893-1920)
Шығармашылық өмір жолы.
Сұлтанмахмұт Торайғыров қазіргі
Көкшетау облысы, Қызылту ауданында 1893 жылы 28 қазанда дүниеге
келген.
Сұлтанмахмұтқа әдебиеттің мәні мен мағынасын ұқтырып, әлемдік
өркениет жайында әңгімелеп, заманға көзін ашқан - Нұрғали молда.
Ұстазы шәкіртінің талантын танып, оқуын ары қарай жалғастыруға
кеңес береді. Сөйтіп, болашақ ақын арман жетелеп, Троицк қаласына
жол тартады.
Бірақ Сұлтанмахмұт оқуын жалғастыра алмайды, өкпе ауруына
шалдығады. Сонан соң Троицк маңындағы ауылдарда бала оқытып әрі
емделіп, 1913 жылдың күзінде қайта оралады. Сол тұста «Айқап»
журналының хатшысы Әкірам Ғалымов қайтыс болып, соның орнына
1913-
1914 жылдың қыс айларында журналға жауапты хатшы болады.
Осы кезеңде ол өлең ғана жазып қоймай, қоғамдық саяси өмірге, әдеби
үдеріске кеңінен араласа бастайды. Журнал бетіне өлеңдерімен бірге
әдеби-сыни мақалалары да жарияланып, өзіндік бағыт-бағдары
айқындалып, ақындық, азаматтық тұлғасы қалыптаса бастайды.
1920 жылдың 21 мамырында ұзақ созылған ауру «Қараңғы қазақ
көгіне күн болуды» мақсат тұтқан ақынның арман отын сөндіріп, ажал
құшағына алып тынады.
Достарыңызбен бөлісу: |
