Зерттеулер нысаны мен әдістері Ғылыми-зерттеу нысаны ретінде қазақ жылқысы (жабы) сүті алынды. Зерттеу
жұмыстары «Қазақ ұлттық аграрлық университеті»коммерциялық емес акционерлік
қоғамының «Технология және биоресурстар» факультетіндегі «Н.О. Базанова атындағы
физиология, морфология және биохимия» кафедрасының ғылыми зертханаларында
жүргізілді.
Сүт – екі жүзден астам органикалық және минералды заттардан құралған
биологиялық сұйықтық. Оның құрамындағы су 83%-тен 87%-ке дейін ауытқымалы болады.
Ал қалған бөлігі нәруыздар (белок), майлар, минералды заттар, көмірсулар, витаминдер
және әртүрлі биологиялдық белсенді заттарды (гормондар, ферменттер және т.б.) құрайды.
Сүттің тағамдық құндылығы - адам организміне қажетті биобелсенді заттар жақсы
тепе-теңдік қатынаста және жеңіл сіңірілетін күйде болуымен бағаланады.
Зерттеуге алынған бие сүтінің төмендегідей физико-химиялық көрсеткіштері
анықталды: қышқылдылығы (Тернер бойынша);рН (активті қышқылдық); тығыздығы;
сүттегі қант мөлшері [2].
