Пәні: «Философия» Дәріскер: Құдайбергенова Назгүл Жанысқызы, PhD

әртекті қоғамда өзара үйлесімге, түсіністікке және құрметке негізделген жарастықты 
тірліктің жаңа формаларын табуға тырысқан шығу тегі, саяси және діни көзқарасы әртүрлі 
адамдардың көбеюіне байланысты болып отыр. Осындай үдерістерді барлық қайшылықты 
жағдайларда мәмілеге келумен, күрделі мәселелерді келісе отырып шешумен, өзара 
үйлесімге қол жеткізумен сабақтастыруға болады. 
Этикалық ілімдердің тарихи типтерін нақтылай келе біз құндылықтар әлеміне келіп 
тірелеміз. Оны зерттейтін философия саласын аксиология (aksіos,- құнды, logos,- ілім) 
дейді. Жалпы алғанда, құндылықтар деп адам өмірінің бағытын анықтайтын, оған керек, 
мәнді, оның құрмет тұтатын, керек болса, бас иетіннің бәрін жатқызуға болады. 
Құндылықтар әлемінің өмір сүруінің терең себептері – адамның өзінде, оның саналы 
пенделігінде, өмірдің мән-мағнасын іздеуінде жатса керек. Өйткені, адам – ерікті пәнде, 
ол өз тағдырын өзі күнделікті өмірге келетін мүмкіндіктерді таңдау арқылы жасайды. 
Дегенмен де, құндылықтар әлемін, негізінен, екіге бөлуге болады. Олар – материалдық 
және рухани құндылықтар.
Бірінші орынға өмір, бүкіл тіршіліктің құндылығын жатқызуға болар еді. Ал оның 
ең биік шыңы – сана сезімі, рухы бар адам. Сондықтан ұлы И.Канттың моральдық 
императивтерінің бірі – адамды әрқашанда мақсат-мұрат тұт, оған ешқашанда құрал 
ретінде қарама,- деген терең ойы еді. Ал бұл талаптан “адам бүкіл тіршіліктің патшасы 
болуы керек”,- деген тұжырым шықпау керек. Керісінше, ол бүкіл тіршіліктің ең жетілген 
түрі болғаннан кейін, бәрін өзімен бірге гүлдетіп, үндестікте өмір сүруі қажет.
Адам өмірінен шығатын келесі құндылық - денсаулық, - оны дана бабамыз “бірінші 
байлық”,- деп кеткен. А.Шопенгауер айтып кеткендей, “адамның бақытты болуының 9/10-
ы оның денсаулығымен байланысты”. Расында да, тек денсаулықтың арқасында ғана 
өмірде кездесетін ауыртпалықтарды көтеріп жеңуге, ішкі табиғи дарындарды дамытып, 
шығармашылық деңгейіне көтерілуге болады.
Келесі қоғамның құндылықтары – еріктік пен теңдік. Біріншіден назар аударатын 
нәрсе - әрбір қоғам өз даму деңгейіне сәйкес еріктік пен теңдіктің белгілі бір мөлшерін 
анықтап, өмірге еңгізеді. Әрине, еріктік – адамның тектік қасиеті, адам еріктікке 
жаратылған пенде. Еріктіктің негізінде ғана адам шығармашылық дәрежеге көтеріліп, өз 
бойындағы қабілеттерін, талантын іске асыра алады. Сонымен қатар, адамның теңдікке 
деген ұмтылысы да тарихтың қозғаушы күштеріне жататынын ескерген жөн. Теңдік рухы 
кең етек алған қоғамдарда адамдар өз абыройын, намысын жоғары деңгейде сезінеді. 
Яғни, ол сезім де адамның шығармашылық іс-әрекетіне жол ашады.
Аксиология (грек тілінде «ахіа» - құндылық және «логос» - ілім) құндылықтар 
жаратылысы туралы ілім. Оның нақтылықтағы орны мен құндылықтық әлемдегі 
құрылымы туралы, яғни, әлеуметтік және мәдени факторлар мен тұлға құрылымы 
арасындағы әр түрлі кұндылықтық байланыстар туралы ілім. Философиялық білімнің 
арнайы бөлімі ретінде аксиология XIX - ғасырдың екінші жартысында ғана қалыптасты. 
«Игілік дегеніміз не?» деген аксиологияның басты сұрағын алғаш болып Сократ қойды. 
Аксиология - этикалык, эстетикалық, діни және өзге де құндылықтардың өзара 
байланысын және әлеуметтік-мәдени орта мен жеке тұлғаның құрылымына қатынасын 
зерттейді. Аксиологияның басты міндеті – құндылықтардың болмыстың жалпы 
құрылымындағы орны мен табиғатын анықтау. 
Құндылықтар жүйесіндегі ең жоғары құндылық - адам және оның өмірі болып 
табылады. Ең жоғары құндылықтарға жалпы адамзат құндылықтары – адамгершілікті, 
мейірімділікті, әділеттілікті, сұлулықты, ақиқатты жатқызуға болады. Бұлар жеке 
адамның әлеуметтенуінде маңызды роль атқарады. Бұлардың жүзеге асуы жеке тұлғаның 
ішкі жан дүниесінің тұңғиығында жатқан мүмкіндіктерді жүзеге асырумен бара-бар. 
Осыларды түсінбейінше және оларды жүзеге асырмайынша адам баласының жеке тұлға 
болып қалыптасуы қиынға соғады. Мұнсыз өмір өз мәнін жоғалтады.
Тек жоғары құндылықтар ғана емес, сонымен бірге жеке адамның әлеуметтенуіне 
құндылық құралдары да елеулі ықпалын тигізеді. Олар ең жоғары құндылықтарға 

бағынып, соларға негізделген. Мәселен адам әділеттілікті орнату жолына түссе ол осы 
жолда ешқашан әділетсіз әрекеттерге бармайды. Құндылық құралдарынсыз ешқандай игі 
істерді жүзеге асыру мүмкін емес. Қоғам әртүрлі қоғамдық қатынастардың күрделі 
жүйесін құрайды. Қоғамдық қатынастар материалдық және рухани қатынастар болып 
екіге бөлінеді. Материалдық қатынастар біздің санамыздан тыс тәуелсіз өмір сүреді. Ал 
рухани қатынастар адамдар санасынан өту арқылы қалыптасады. Олардың арасындағы 
байланыс аралық сипатқа ие. Материалдық қатынастар қоғамдық санада бейнелене 
отырып, белгілі бір рухани құндылықтарды туындатады. Ал мұндай құндылықтар рухани 
қатынастардың негізі болып табылады. Рухани өмір бай мазмұнға ие атмосфераны, 
қолайлы моральдық-психологиялық жағдайды қалыптастырады. Ал өзге жағдайларда 
рухани өмір жұтаңдау болып келеді. Мұндай қоғамда рухани азғындық белең алады. 
Қоғамның рухани өмірінің мазмұнында оның шынайы адамгершілік мәні көрінеді. Рухани 
өмірдің басты элементтері - рухани қателіктер, рухани құндылықтарды жасап шығару 
жолындағы іс-әрекеттер, рухани азық және адамдар арасындағы рухани қарым - 
қатынастар. 

жүктеу/скачать 364,52 Kb.

Достарыңызбен бөлісу: