Білім беру бағдарламасы мектеп тренеріне арналған нұСҚаулық
жүктеу/скачать 1,16 Mb. Pdf көрінісі
|
Руководство для школьного тренера
- Бұл бет үшін навигация:
- 1-2-сабақтар
| Сабақтың
тақырыбы: Нәтижені бағамдау және алдағы іс-шараларды жоспарлау Сабақтың мақсаты: Тыңдаушылар іс-әрекеттегі зерттеу нәтижелерін қалай бағамдау қажеттігі туралы хабардар етіледі Жаттығулар 1. Бүгінгі күннің мақсатымен таныстыру. 2. «Нәтиже» сызбасын талқылау. Өзі сынап көрген әдістің табысты болған/ болмағанын білу үшін мұғалім жинақтаған деректерін талдап, олардың мән- мағынасын анықтау үшін оларға түсініктеме береді. Осы түсініктеменің негізінде мұғалім алдағы қадамдарын жоспарлайды. Өзі меңгерген білімімен басқалармен бөлісу мақсатында мақала жазып, ғылыми-тәжірибелік конференцияда баяндама жасап немесе интернет желісінде жариялау арқылы мұғалім зерттеу нәтижелерімен бөлісе алады. 3. Нәтижені талдау үдерісіндегі түрлі адамдардың рөлі. Тыңдаушылар бүкіл топ болып нәтижені талдауға қандай адамдардың тартылуы мүмкін екенін талқылайды (зерттеуші мұғалімнің өзі, зерттеуге тартылған әріптестері, сыншы дос, мектеп директоры). Егер де тыңдаушылардың тізімінде осылардың бірі айтылмаса, мектеп тренері өзі қосады. Бірақ тізім мұнымен шектелуі міндетті емес. Мектеп тренеріне арналған нұсқаулық 27 1-2-сабақтар 4. Неше санат аталса, тыңдаушыларды сонша топқа бөлу (айталық жоспарда 4 санат: зерттеуші мұғалімнің өзі, зерттеуге тартылған әріптестері, сыншы дос, мектеп директоры). Тыңдаушылар осы санаттардың әрқайсысы қарастырылып отырған кезеңде қандай функция атқарып, не істей алатынының тізімін жасайды. Соңында бүкіл топқа таныстырады. 5. Топтық талқылау. Егер бұл жаттығуды тыңдаушылар электронды нұсқада орындаса, оларға бір-бірімен құжаттарымен алмасуға мүмкіндік беру. 6. Тыңдаушылар тәжірибеге енгізілген өзгерістің ықпалы болғанын/болмағанын бағамдау үшін деректерді қалай қолдануға болатындығын талқылайды. 7. Сабақты қорытындылау. Мектеп тренерінің кері байланысы 8. Үй тапсырмасы: өз тәжірибесіне өзгеріс енгізу үшін орындалған шараның нәтижесін қалай талдайтынын ойластырып, нәтижені бағамдау үшін қандай деректерді қолданатыны туралы шешім қабылдау. Сондай-ақ нәтижені бағамдау үдерісіне кімдерді тартатынын шешу. жүктеу/скачать 1,16 Mb. Достарыңызбен бөлісу:
|