epicondylus lateralis-тен басталады. Білектің орта тұсында бұлшықет
әрқайсысы ұзын сіңір беретін төрт қарыншаға бөлінеді. Сіңірлер қол
ұшының сыртқы жағына түсіп retinaculum extensorum-ның астына өтіп,
осы жердегі өзектердің төртіншісі арқылы төрт саусаққа бөлініп
ажырайды. Қол ұшының сыртында алақансүйектер-бунақтар буын-
дарының жанында сіңірлер аралық қиғаш қосылыстар, connexus
intertendineus арқылы бір-бірімен қосылады, сондықтан екі ортаңғы
саусақ тек бірге ғана жазыла алады; ал сұқ саусақ аздап шынашақпен
меншікті жазғыштары болғандықтан өз дербестіктерін сақтайды.
Жалпы жазғыштың әрбір сіңірі сәйкесті саусақтың сырт жағында үш
будаға бөлінетін үшбұрышты сіңірлі созылмаға ауысады. Ол үш
буданың ортаңғысы ортаңғы бунақтың негізіне, ал бүйірлері дисталды
бунақтың негізіне бекиді.
Қызметі.
II-V саусақтарды және қол ұшын жазады.
5 . Ш ы н а ш а қ ж а з ғ ы ш ы ,
т. extensor digiti minimi,
жалпы саусақтар
жазғышының шынтақ жағынан бөлінеді. Оның ұзын сіңірі retinaculum
extensorum-ның астынан бесінші өзек арқылы қол ұшының сыртымен
шынашаққа өтіп, жалпы жазғыштың осы саусаққа келетін сіңірімен
байланысады.
6 . Б іл е з ік т ің ш ы н т а қ т ы қ ж а з ғ ы ш ы ,
т. extensor carpi ulnaris,
латералды жиегімен жалпы жазғышқа және шынашақ жазғышына
жанасып жатады, осы бұлшықеттермен бірге тоқпан жіліктің латералды
айдаршықүстінен, сондай-ақ шынтақ жіліктің артқы жиегінен баста
лады. Бұлшықет сіңірі алтыншы сіңірлі өзек арқылы retinaculum
астында өтіп, V алақан сүйегі негізіне (tuberositas ossis metacarpi V)
бекиді.
Достарыңызбен бөлісу: 
