Сборник материалов май 2020 года г. Петропавловск
Мақала мәтініндегі негізгі сөздер
жүктеу/скачать 12,93 Mb. Pdf көрінісі
|
Международная конференция сборник
| Мақала мәтініндегі негізгі сөздер:
Отбасы, тәрбие,ынтымақ,міндеттер, мейірбан сөз, болашақ азамат. Отбасы – адам баласының алтын діңгегі. Өйткені адам ең алғаш шыр етіп дүниеге келген сәтінен бастап, осында ер жетіп, отбасының тәрбиесін алады. Сондықтан да отбасы – адамзаттың аса қажетті, әрі қасиетті алтын балабақшасы. Отбасының адамзат ұрпағына деген ықпалы мен әсер күшін өмірдегі басқа еш нәрсенің күшімен салыстыруға болмайды. Өйткені ата-ананың балаға деген тәрбиесінің орнын еш нәрсе толтыра алмайды. Бала тәрбиесі – қызығы мен қиыншылығы қатар жүретін күрделі процесс.Ата-аналардың жастығы мен бала тәрбиесіндегі тәжірибенің жоқтығы, болмаса тәрбие жұмыстарында тек қана өз ойлары мен көзқарастарына ғана жүгінуі немесе қажетті педагогикалық білімдерінің жетіспеушілігі салдарынан тәрбие процестері көптеген қателіктерге ұшырап отырады. Сондықтан да балабақша өміріндегі ата-аналардың педагогикалық білімін жетілдіру,мәдениетін арттыру,бала тәрбиесіне белсене араластыру,соның нәтижесінде ата-ананы баланың алғашқы ұстазына айналдыру мақсатында ұйымдастырылатын треннгтердің маңызы орасан зор. «Біз біргеміз», «Қолынан танып біл», «Біз бақытты жанұямыз» атты тренингтер өткізілді. Тәрбиешілердің ата-аналармен ынтымақтастығы балалармен жүргізілетін тәрбие жұмысының табысты болуының басты кепілі болып табылады. Тәрбиеші үшін ата- аналарды педагогикалық үрдістің белсенді мүшесі ету оңай шаруа емес. Ол асқан шеберлік пен зор жауапкершілікті қажет етеді. Мұндай міндетті шешу үшін тәрбиешінің тәрбие жұмысының жоспарында балалардың отбасын зерттеуі керек.Отбасының да, балабақшаның да мақсат – мүддесі біреу – ол болашақ ұрпақ тәрбиесі. Болашақ азамат тәрбиеленетін алғашқы ұя – 253 отбасы, ата-ана құшағы. Жас сәбидің алғашқы еститіні анасының мейірбан сөзі; көретіні анасының аялы алақаны. Балабақшада ата-аналармен жұмыс түрлері өте көп.Олар: тренинг, сауалнама, кеңестер, дөңгелек үстел,топтық жиналыстар. Мысалы: жылдың басында «Отбасым қорғаным» атты бірінші топтық жиналыс өткізілді. Тәрбие жұмысын дұрыс ұйымдастыру мақсатында және ата-аналарды зерттеу мақсатында «Үй,жол,жылан,шалбар және орамал» диагностикасы жүргізілді.Соңында әр бір ата-ананың салған суреттері мынандай мағына беретінін айтылды. Үй-адамның өзін-өзі бағалау деңгейін көрсететінін; Жол-адамның қарым-қатынасқа қандай деңгейде араласатындығын; Жылан-«басқа адамдардың мен туралы пікірі қандай?»деген сұраққа өзініздің қалайша жауап беретіндігіңізді; Шалбар мен орамал- ата-аналардың түсінігінің ер адамдар мен әйелдердің дәрежесін көрсететінін. Ата –аналарға үнемі кеңестер беріліп отырады. Мысалы: «Балабақшадағы баланың киімі», «Көшеде жүру кезінде есте сақтау» , «Жазғы демалыстағы қауіпсіздік».Сонымен қатар «ЖРВИ- ді және тұмауды алдын алу», «Балаңыздың дені сау болсын десеңіз» тақырыбында медбике кеңесі, «Баланың тілін дамыту» логопед, «Балалармен қалай қарым-қатынас жасау керек» тақырыбындағы психолог кеңестері берілді. «Супер әже» атты әжелер сайысы өткізілді,біздің топтан атынан шыққан қатысушы әже 2 орынға ие болды. «Отбасы,бала,балабақша» тақырыбында дөңгелек үстел өткізілді. «Құстарға қамқорлық» акциясы байланысты құстар ұясын жасадық. «Менің Қазақстаным» атты ата-аналар мен балаларға арналған сурет көрмесі ұйымдастырылды. «Мен ата-анамның көмекшісімін» тақырыбында газет шығарылды. Балалар белсенді қатысты. 254 Қорыта келгенде балалардың ата-аналары мен біздің мектепке дейінгі үйым, балаға тәрбие мен білім беруде бірлесіп жұмыстар атқарып жатыр.Осылай балабақша ұжымы мен ата –аналар ынтымақтаса жұмыс жүргізсе,балаларға тиісті көңіл бөлсе,сана –cезімін оятуға септігін тигізсе елдің болашағы арқасүйер адал,жанашыр азамат тәрбиелейміз деп ойлаймын. жүктеу/скачать 12,93 Mb. Достарыңызбен бөлісу:
|