Онкологиясы
жүктеу/скачать 12,14 Mb. Pdf көрінісі
|
Балалар онкологиясы У.К. Жумашев (1)
- Бұл бет үшін навигация:
- БАЛАЛАР ОНКОЛОГИЯСЫ
| Ісікті анықтау әдістері
РМС анықтау – кешенді анықтау әдістерінен тұруы қажет. Оған: науқас баладағы ісіктің клиникалық көріністерімен қатар, лабороториялық, рентгенология мен радионуклейдті, ультрадыбысты тексерумен морфологиялық анықтау әдістері кіргені жөн. Ісікті жай көзбен көріп, қолмен анықтағанымен (сипалау әдісі арқылы – ісіктің көлемін, оның тығыздығы мен жанындағы немесе сол шыққан тініне ену тереңдігін, жайылуын, яғни аймақтық метастаз ошақтарының бар- жоғын), оның морфологиялық көрінісін тек – биопсиядан кейін ғана білеміз. Ісіктің алғашқы кезеңінде жалпы дәрігерлердің барлығы жарақаттан кейінгі немесе жай ауру түрлерімен (бұлшық еттің жарығы, қанның ұюы-гематома, қабынудан кейінгі ин-- фильтрат, атерома, гигрома, невринома, липома, фиброма т.б ) шатастырып, көпке дейін аса мән бермейді. Бұл дегеніңіз: 238 БАЛАЛАР ОНКОЛОГИЯСЫ жалпы медициналық сеттегі дәрігерлердің «онкологиялық қырағылық – күдіктің» төмендігі мен балалардағы жұмсақ тін ісіктерінің негізгі белгілерін білмеуінен бөлек, бұл ісіктердің де өте жиі кездеспеуінен, соған орай дәрігерлердің оны бұрын кездестірмегендігінен тәжерибесінің жоқтығынан туындайтын жағдай. Сондықтан, қандайда болмасын ісін-- ген, тығыздау келген, ауру сезімі жоқ болса да өсінді-ісікті байқаған жағдайда (мейлі ол жарақаттан кейін, ұрып-соғып алғаннан кейін пайда болып, 2-3 ай бойы басылмай, қайта өсіп жатқан болса), оларды мұқият тексерген жөн. – жалпы қан сараптамасында басында ешқандай өзгерістер болмауы мүмкін, бірақ кейіннен қаназдылық бел-- гілерімен қатар ЭТЖ-ң ұлғайғанын байқаймыз; – зәр сараптамасында, егер ісік қуықтан шыққан болса, зәр құрамында лейкоциттер мен эритроциттер саны ісіктің алғашқы сатыларында-ақ ұлғаяды; – білініп, ісініп тұрған жерге пунциондық биопсия жа-- сау арқылы патоморфологиялық тесерумен қатар жоғарыда айтылған (УДЗ, рентген, КТ, МРТ, радионуклейдті тексеру, иммуногисто-химиялық сараптама т.б.-лар ). Рентгенологиялық зертеу. Жай рентген арқылы ісіктің жалпы көлемін, көлеңкесін көрумен қатар, оның жанындағы сүйекке деген қатынасын (өскен-өспегендігін) байқаймыз. Содан кейін, міндетті түрде ангиография, вазография арқылы ісіктің толық көлемімен бірге жанындағы тіндерге деген ісіктің қарым-қатынасын және негізгі қан тамырла-- рына өскен-өспегендігін анықтау қажет. Мұның себебі, осы арқылы хирургиялық емнің бағыты айқындалады. Радионуклейдті зерттеу арқылы да ісіктің негізгі зақымдаған, шыққан орнын, аумағын, метастаз ошақтарын анықтауымызға болады. Радиофармпрепараттарына (РФП) 67 Ga - цитрат пен Tc 99 –m қолданылады. РМС анықтауда ради-- онуклейдті зерттеудің нәтижесі 85-90% дейін анықтайды. |